1Tim 4:16 - ÎVUKU RÎA ÛVORO MWARO

¹⁶ Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.

1Tim 4:16 ပူးပေါင်းရင်းမြစ်များ

1Maû 28:10

Nwanginya ûmenya atî Ngai-Mûnene nî akûthuurîte ûmûtumîre hekarû ntheru. Gîa na vinya ûrute wîra ûcio.”

2Maû 19:6

Nîwamerire atîrî, “Menyagîrîrani rîrîa mûgûtwithania maciira, nîûndû mûtigaatucaga na vinya wenyu, nwatî mûkaamatucaga na vinya wa Ngai-Mûnene nîûndû nîke ûmûtûmîte na akethagîrwa namue vîndî îrîa mûgûtua ciira.

Ntha 23:13

“Rûmagîrîra maûndû marîa monthe nie Ngai-Mûnene nakwîra. Ndûkavoe ngai ciîngî kana ûgwete marîîtwa ma cio na kanyua gaku.

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Jeremia 23:22

Nwatî kethîrwa manamenya meciria makwa nîmangîanîrîre ndûmîrîri yakwa kûrî andû akwa na nîmangîatûmire magarûrûke matigane na mîtûûrîre yao mîcûku na matige gwîka maûndû macûku.”

Maariko 13:9

“Îîmenyagîrîreni nîûndû nîmûkaanyitwa na mûcirithîrue ciamarî cia athuuri. Wana nîmûkaarivîrwa mavoerorî, na mûrûngamue mbere ya anene na athamaki nîûndû wakwa ûrî ta ûira kûrî o.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Ciîko 26:22

Nwatî Ngai nîandethetie. Kwoguo nûngamîte ava ûmûnthî ngîrutaga ûira wakwa kûrî andû onthe, anini na anene. Maûndû marîa nîrauga nîmagwîkîka, nwamo arathi na Musa maaugire atî nîmagekîka namo nî:

Ciîko 6:4

Nwatî tue nîtûthiî na mbere kwîvecana ûvororî wîgiî mavoya na wîra wa kûvunjia ndûmîrîri ya Ngai.”

Aroma 11:14

nîguo ndûme andû a rûruka rwakwa na nîo Ayahudi megue wîru, na na njîra îo, ndethie amwe kûvonoka.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

1Akor 9:22

Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.

1Akor 9:27

Ndukaga mwîrî wakwa ngaûtua ngombo yakwa nîguo nie mwene ndigatuîke wa kûregwa vuva wa kwîthîrwa mvunjîrîtie andû arîa engî.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Akol 4:17

Îrani Arikipo atîrî, “Geria wa ûrîa ûngîvota nîguo ûrîkie wîra ûrîa waveerwe ûtungatarî wa Mwathani.”

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.

1Tim 1:3

Nîrenda wîkare Efeso wata ûrîa nakûthaithire rîrîa nathiîte Makedonia. Andû amwe kûu Efeso nîmarathomithania maûndû matarî ma ma, na nwanginya ûmakaanie matige gwîka ûguo.

1Tim 4:15

Thiî na mbere gwîka maûndû mama wîvecanîte viû nîguo ûthiîi waku wa na mbere woneke nî andû onthe.

1Tim 4:6

Ûngîthomithia etîkia onthe mataaro mama, ûkethagîrwa ûrî ndungata mbaro ya Jesû Kristû. Ûgekagîrwa vinya nî ciugo cia wîtîkio na kîrîra Kîam ma kîrîa wîthîrîtwe ûkîrûmîrîra.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

2Tim 3:14

Nwatî we, thiî na mbere kûrûmîrîra ûvoro wa ma ûrîa wathomithirue ûkîwîtîkia na ûgîûkindîria nîûndû nîwîcî arîa maakûthomithirie.

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Tito 1:9

Agîrîrwe nî kwîthîrwa arî mûndû mwîkindîriu ûvororî ûrîa ûngîîvokwa, na wîtîkanîtie na ûvoro wama ûrîa tûthomithagia. Kwoguo, akaavotaga kûmîrîria andû arîa engî na ûvoro wa ma na akavotaga kwonania mavîtia ma andû arîa maûregaga.

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

File 1:19

Nie Paûlo nandîka ava na njara ciakwa atî: Nie Paûlo nînie ngaakûrîva. (Nî ma ndîagîrîrwe nî kûgweta atî wa nawe we mwene wî thirî yakwa.)

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Jakuvu 5:20

ririkanani atîrî, mûndû wa wonthe ûgarûraga mwîvia akamûruta njîrarî îrîa njûku nîakaavonokia mwoyo wa mwîvia ûcio kuuma kûrî gîkuû na nîagaatûma mevia meengî movanîrwe.