1Tim 3:4 - ÎVUKU RÎA ÛVORO MWARO

⁴ Nwa nginya ethîrwe arî mûndû ûvotete kûmenyerera mûciî wake waro na ûvotete gûtûma ciana ciake imwathîkîre na imûtîîe na njîra cionthe.

1Tim 3:4 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

Aefeso 5:24

Kwoguo mûndûmûka nîathîkagîre mûthuuri wake maûndûrî monthe wata ûrîa kanitha wathîkagîra Kristû.

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Tim 3:12

Mûtungati agîrîrwe nî kwîthîrwa avikîtie mûndûmûka ûmwe tu na ethîrwe avotete kûmenyerera ciana ciake na andû a mûciî wake waro.

Tito 1:6

nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.

Tito 2:2

Îraga athuuri arîa akûrû mekarage meîguîte, marî na mîtugo mîaro, andû mangîvota kwînyitia maûndûrî, na methagîrwe marî na wîtîkio wa ma, marî na wendo na ûmîrîru.

Tito 2:7

Maûndûrî monthe, nwa nginya we wîthagîrwe ûrî kîonereria Kîam mîtugo mîaro. Vîndî îrîa ûrathomithia, onanagia ûgima na wîthagîrwe ûrî na gîtîîo.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”