1Tim 3:10 - ÎVUKU RÎA ÛVORO MWARO

¹⁰ Nîmaagîrîrwe nî kwamba kûgerua, na ethîrwa nîmakwonekana matarî na ûcuke nwa metîkîrue matuîke atungati.

1Tim 3:10 ပူးပေါင်းရင်းမြစ်များ

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

1Tim 3:13

Atungati arîa marutaga wîra wao waro, nîmethondekagîra ngumo mbaro, na nîmavotaga kwaria marî na ûmîrîru ûvororî wîgiî gwîtîkia Jesû Kristû.

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 3:6

Mûtongoria wa kanitha agîrîrwe nî kwîthîrwa arî mûndû ûtarî mwîthî wîtîkiorî, nîguo ndakagîe na mwîtîîo mwîngî na atuîrwe wata ûrîa Ngoma aatuîrîrwe.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

1Joh 4:1

Arata akwa, mûtigetîkagie andû onthe arîa maugaga atî marî na Roho. Nwatî ambagani mûkamaroria waro nîguo mûmenye kana roho ûrîa marî naguo umîte kûrî Ngai nîûndû kûrî na arathi eengî a maveeni meyumîrîtie gûkû nthî.