1Tim 2:15 - ÎVUKU RÎA ÛVORO MWARO

¹⁵ Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.

1Tim 2:15 ပူးပေါင်းရင်းမြစ်များ

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 31:22

Nîwîkara ûkîagagaga nginya rî we mwarî ûyû ûtarî mwîvokeku? Nîûndû nie Ngai-Mûnene nîndûthîte kîndû gîcerû gûkû nthî, mûndûmûka agitagîra mûndûmûrûme.”

Luka 2:7

Nake nîwarikithathire mwana wa kavîcî akîmûrigica na cuka na akîmûmamia mûvaratîrî nîûndû gûtiarî na vandû mangîavurûkire kûu mûkawarî.

1Akor 12:23

Ciîga irîa twonaga takwa itarî na vata nîcio tûmenyagîrîra mûno. Nacio ciîga cia mwîrî irîa itagîrîrwe kûonwa nî andû nîcio tûvecaga gîtîîo Kîam mwanya,

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Tim 2:9

Nîngîenda aka wanao mekagîre nguo irîa ciagîrîrîte na ikwonania gîtîîo. Matikegemie na njîra ya kûvînda njuîrî, matikegemie na thaavu, ciûma cia goro kana nguo cia goro.

Tito 2:12

Wega ûcio wa Ngai nîûtûtaaraga tûreganage na maûndû marîa matarî ma ûngai na tûtigane na merirîria ma maûndû ma gûkû nthî. Wega ûcio nîûtûtaaraga twîkarage twînyitîtie maûndûrî, tûrî andû arûngîrîru na twîtîkîtie Ngai rîrîa tûrî nthî îno.

1Pet 4:7

Îthirîro rîa indo cionthe rîrî vakuvî. Îkaragani mwîîguîte na mwîvarîrîtie, nîguo mûvotage kûvoya.