1Tim 1:19 - ÎVUKU RÎA ÛVORO MWARO

¹⁹ Îthagîrwa ûrî na wîtîkio na thamiri mbaro. Andû amwe matithikagîrîria thamiri ciao na nîmatete wîtîkio wao.

1Tim 1:19 ပူးပေါင်းရင်းမြစ်များ

Mathaayo 6:27

Kûrî mûndû wana ûmwe gatagatîrî kenyu ûngîyongerera mûthenya wa naarî ûmwe ûtûûrorî wake nîûndû wa gûtangîka?

1Akor 11:19

(Gûtirî na nganja atî nwa nginya kûgîe na ngaûkano gatagatîrî kenyu nîguo mûndû avotage kwona cararûkû arîa evokeku gatagatîrî kenyu.)

Agal 5:4

Mue arîa mûgeragia gûtuuwa athingu na njîra ya kûrûmîrîra watho, nîmûthengutîrîte Kristû na nîmumîte wegarî wa Ngai.

1Tim 1:5

Nîrakwatha ûguo nîguo mûrurumûkie wendo ûrîa umaga ngororî ntheru, thamirirî mbaro na wîtîkiorî wa ma.

1Tim 3:9

Nîmaagîrîrwe nî kwîthîrwa mekindîrîtie nthithorî ya wîtîkio na marî na thamiri ntheru.

1Tim 6:12

Rûa mbaara mbaro ya wîtîkio, nîguo ûgîe na mwoyo wa tene na tene ûrîa wetîrwe vîndî îrîa waumbûrire ûrîa wîtîkîtie Jesû Kristû ûrî mbere ya aira eengî.

1Tim 6:21

Andû amwe maugaga atî marî na ûmenyo ûcio na kwoguo magatiganîria wîtîkio ûrîa wa ma. Wega wa Mwathani ûroekara namue muonthe.

1Tim 6:9

Nwatî andû arîa meriragîria gûtonga nîmagûcaga mageriorî na mûtegorî wa kwîrirîria maûndû ma ûrimû na ma kûmacûkangia.

2Tim 2:18

Andû aya nîaumu ûvororî wa ma, nîûndû mavunjagia atî ûvoro wa kûriûka nîwavîtûkire, kwoguo magacûkia wîtîkio wa andû amwe.

2Tim 4:4

Andû nîmaakagarûrûka matige kûrûmîrîra ûma na macoke mathikaagîrîrie ng'ano cia gwîtungîra.

Tito 1:9

Agîrîrwe nî kwîthîrwa arî mûndû mwîkindîriu ûvororî ûrîa ûngîîvokwa, na wîtîkanîtie na ûvoro wama ûrîa tûthomithagia. Kwoguo, akaavotaga kûmîrîria andû arîa engî na ûvoro wa ma na akavotaga kwonania mavîtia ma andû arîa maûregaga.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Kûguû 3:10

Mue nîmûrûmîrîrîte kîthomo gîakwa gîa kûmîrîria mûkirîrîrîtie na kwoguo nie nîngaamûgitîra kuuma kûrî îvinda rîa mathîna rîrîa rîgaûka kûgeria andû onthe arîa matûûraga gûkû nthî.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.

Kûguû 3:8

Nie nîmbîcî ciîko cienyu. Ta roriani, mbere yaku nîmbigîte mûrango ûrî mûvingûre na gûtirî mûndû ûngîvota kûûvinga. Nie nîmbîcî atî we ûrî na ûvoti mûnini, nwatî we nîûrûmîrîrîte kîthomo gîakwa na ûkethîrwa ûrî mwîvokeku kûrî nie.