Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.
Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.
Na ngîtûmagîra kîveo kîrîa naveerwe nî Ngai, nie nînatumire mûcingi wa nyomba îo nîrî ta mûtumi ûrî na wara mwîngî. Nake mûndû wîngî nîaratuma îgûrû rîaguo. Nwatî wa mûndû nwanginya amenyerere ûrîa atumaga îgûrû rîaguo.
Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.
Mue nîmwîguîte ûvoro wîgiî mûtûûrîre wakwa wa na vau mbere rîrîa naarûmagîrîra ndini ya Ayahudi. Nînaanyariraga kanitha wa Ngai ndarî na ntha na nînaageragia mûno kûûthiria.
Nwatî tûrî andû a mûthenya. Kwoguo nîtwagîrîrwe nîgwîkara twîîguîte. Twagîrîrwe nîgwîkîra wîtîkio na wendani nîguo ituîke ta ngo ya cuuma ya kûgitîra kîthûri, na tûgîe na mwîrîgîrîro wa kûvonoka ûrî ta ngovia ya cuuma twîkîrîte ya kûgitîra kîongo.
Nwatî Ngai nîakaavonokia aka na njîra ya gûciara ethîrwa nîmakûthiî na mbere gwîtîkia, kwendana, gûtuîka atheru, na kwîthîrwa marî na mîtugo yagîrîrîte.
Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.
Îraga athuuri arîa akûrû mekarage meîguîte, marî na mîtugo mîaro, andû mangîvota kwînyitia maûndûrî, na methagîrwe marî na wîtîkio wa ma, marî na wendo na ûmîrîru.