1Sam 9:4 - ÎVUKU RÎA ÛVORO MWARO

⁴ Nao nîmaavîtûkanîrie vûrûrirî ûrîa ûrî irîma wa Efiraimu wana gîcunjîrî gîa Shalisha na matiaciona; Kwoguo nîmaathire na mbere na makîvîtûkanîria gîcunjîrî gîa Shalimu wa magîcaragia mvunda, nwatî itiarî kuo. Magîcoka makîvîtûkanîria vûrûrirî wa Benjamini, nwatî matiaciona.

1Sam 9:4 ပူးပေါင်းရင်းမြစ်များ

Kîam 33:18

Jakovu nîwakinyire îtûûrarî rîa Shekemu vûrûrirî wa Kanaani aumîte Padani-aramu arî na thayû. Nîwacokire akîamba îgema rîake vakuvî na îtûûra rîu.

2Atha 4:42

Vîndî îo mûndûmûrûme ûmwe nîwaumire Baali Shalisha avirîrîte Elisha mîgate mîrongo îîrî îrugîtwe na mûtu wa maciaro ma cairi ya mbere mwaka ûcio, na igira cia ngano ikethetwe warîo. Indo icio ciarî nguniarî. Nake Elisha nîwerire ndungata yake înengere arathi marîe.

Johana 3:23

Johana wa nake nîwavatithanagia arî Aenoni vakuvî na Salimu, nîûndû kûu kwarî na manjî meengî. Na andû nîmaathiîcaga kûrî Johana nake akamavatithia.

Josh 19:42

Shalabini, Aijaloni, Ithila,

Josh 24:33

Eleazaru mûvîcî wa Aroni nîwakwire na akîthikwa Gibea îtûûrarî rîrîa rîrî vûrûrirî ûrîa ûrî irîma wa Efiraimu. Vûrûri ûcio nîguo wagaîrwe Finehasi mûvîcî wa Eleazaru.

Atir 17:1

Vîndî îmwe kwarî na mûndû watûûraga vûrûrirî ûrîa ûrî irîma wa Efiraimu. Mûndû ûcio eetagwa Mika.

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

1Sam 1:1

Kwarî mûthuuri wetagwa Elikana ûrîa warî wa mûvîrîga wa Efiraimu. Elikana aarî mûvîcî wa Jerohamu, Jerohamu aarî mûvîcî wa Elihu, Elihu aarî mûvîcî wa Tohu, Tohu aarî mûvîcî wa Zufu, Zufu aarî wa mûvîrîga wa Efiraimu. Elikana aatûûraga îtûûrarî rîa Rama vûrûri ûrîa wîthagîrwa ûrî irîma nyîngî wa Efiraimu.

1Sam 9:3

Nacio mvunda imwe cia Kishu, îthe wa Saûlo nîciaûrire. Kwoguo Kishu nîwerire mûvîcî wake, Saûlo atîrî, “Oca mûndû ûmwe wa ndungata ino mûthiî mûgacarie mvunda.”