1Sam 9:2 - ÎVUKU RÎA ÛVORO MWARO

² Kishu aarî na mûvîcî wake wetagwa Saûlo. Saûlo aarî mwanake mûthaka mûno. Gûtiarî na mûndû mûrûme wîngî gatagatîrî ka andû a Isiraeli warî mûthaka gûkîra Saûlo. Kuuma cianderî ciake kûthiî mwena wa îgûrû, ke aarî mûraca gûkîra mûndû wîngî wa wonthe kûu Isiraeli.

1Sam 9:2 ပူးပေါင်းရင်းမြစ်များ

Kîam 6:2

ciûmbe cia îgûrû nîcionire erîtu acio a andû marî athaka mûno. Ciûmbe icio nîciethuurîre erîtu amwe matuîke aka ao.

1Maû 8:33

Neri aarî îthe wa Kishi, Kishu aarî îthe wa Saûlo. Saûlo aarî îthe wa Jonathani, Malikishua, Abinadabu na Eshibaali.

Jeremia 9:23

Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Ndari 13:33

Wana nîtwonire njiarwa cia Anaki, andû arîa megana marimû, tweyonire tûnyivîte ta mvandi tûrî mbere yao. Na wanao nwaguo moonaga twîgana.”

1Sam 10:21

Samueli nîwaugire, atî andû a nyomba cia mûvîrîga wa Benjamini mathiî vakuvî na Ngai-Mûnene, na andû a mûciî wa Matiri makîthuurwa. Mûthiiarî, ke nîwaugire arûme a mûciî wa Matiri mathiî mbere ya Ngai-Mûnene na Ngai-Mûnene akîthuura Saûlo, mûvîcî wa Kishu. Nao nîmaamûcaririe, nwatî matiamwona.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 17:4

Nakuo kûu Afilisiti maambire magema mao nîkwaumire njamba îmwe yetagwa Goliathu ûrîa warî wa kuuma îtûûra rîa Gathu. Goliathu aarî na ûraca wa mita ta ithatû.

1Sam 9:3

Nacio mvunda imwe cia Kishu, îthe wa Saûlo nîciaûrire. Kwoguo Kishu nîwerire mûvîcî wake, Saûlo atîrî, “Oca mûndû ûmwe wa ndungata ino mûthiî mûgacarie mvunda.”