1Sam 8:20 - ÎVUKU RÎA ÛVORO MWARO

²⁰ nîguo twîthagîrwe tûrî na mûthamaki wetû ta ndûrîrî irîa ciîngî cionthe; Nake mûthamaki wetû agaatûtongoragîria tûkîthiî mbaararî na nîagaatûrûagîrîra.”

1Sam 8:20 ပူးပေါင်းရင်းမြစ်များ

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Ndari 23:9

Nîrî îgûrû rîa irîma nînîmoonaga, nînîmaroragia nîrî îgûrû rîa irîma. Acio nî andû matûûraga marî onga; nîmaicî atî nî arathime gûkîra andû a mavûrûri marîa mengî!

Johana 15:19

Mûngîrî a gûkû nthî, andû nwa mamwendete. Nwatî namûthuurire kuuma kûrî andû a gûkû nthî na kwoguo mue mûtirî a gûkû nthî. Kîu nîkîo gîtûmaga andû a gûkû nthî mamûmene.

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

1Sam 12:12

Nwatî mue rîrîa mwonire mûthamaki wa Aamoni, ûrîa wîtagwa Nahashu aûkîte kûmûthûngîrîra, mue nîmwaregire Ngai-Mûnene, Ngai wenyu ûrîa warî mûthamaki wenyu na mûkîmbîîra atî, mue mûrenda mûthamaki wa kûmûtongoragia.

1Sam 12:2

na rîu mûrî nake amûtongoretie. Rîu nie nîrî mûkûrû na njuîrî ciakwa irî na mbuî, nao anake akwa marî vamwe namue. Nie ndûîre nîrî mûtongoria wenyu kuuma nîrî mwanake nginya ûmûnthî.

1Sam 8:5

na makîmwîra atîrî, “Taroria, we ûrî mûkûrû nao anake aku matirûmagîrîra maûndû marîa wekaga. Rîu tûthuurîre mûthamaki wa gûtwathaga wata ûrîa ndûrîrî irîa ciîngî ciîthagîrwa irî na athamaki a cio.”