1Sam 8:14 - ÎVUKU RÎA ÛVORO MWARO

¹⁴ Ke nîakaamûcuna mîgûnda yenyu îrîa mîaro mûno ya mîthavibu na mîtamaiyû na amîvecane kûrî ndungata ciake.

1Sam 8:14 ပူးပေါင်းရင်းမြစ်များ

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

1Atha 21:2

Vîndî îmwe Ahabu nîwerire Nabothi atîrî, “Mva mûgûnda waku wa mîthavibu nîûndû ûrî vakuvî na mûciî wakwa, nîguo nîûtue mûgûnda wa matunda. Nanie nîngûgûkûrananîria na mûgûnda wîngî wa mîthavibu mwaro gûkîra ûcio, kana ûngîenda nîngûkûrîva mbeca irîa ciîganîrîte.”

1Atha 21:7

Mûka Jezebeli nîwamûcokerie atîrî, “Kinthî we tîwe mûthamaki wa Isiraeli? Ûkîra, ûrîe na ûkene. Nîngûgwocera mûgûnda wa mîthavibu wa Nabothi!”

Ezek 46:18

Mûnene ndagîrîrwe nî gûcuuna mûndû wa wonthe îgai rîake. Agîrîrwe nî kûgaîra ciana ciake mîgûnda kuuma mûgûndarî wake ûrîa aagaîrwe. Kwoguo ndagîrîrwe nî kûvinyîrîria andû akwa na njîra ya kûmacuuna indo ciao.”

1Sam 22:7

Saûlo nîwerire ndungata ciake atîrî, “Nthikîrîriani mue andû a Benjamini! Mûreciria atî Daudi nîakaamûva muonthe mîgûnda ya irio na ya mîthavibu na amûtue anene a athigari ake?

1Sam 8:13

Mûthamaki ûcio nîagecukia ciana cienyu cia erîtu athiî nacio. Amwe ao nîmagaatuîka a kûmûthondekagîra manungato, nao engî amatue arugi, na arîa engî matuîke athondeki ake a mîgate.

1Sam 8:15

Ke nîagecûkia gîcunjî gîa îkûmi gîa mbeû cienyu wana cia mîgûnda yenyu ya mîthavibu na aivecane kûrî anene a athigari ake na kûrî ndungata ciake.