1Sam 8:11 - ÎVUKU RÎA ÛVORO MWARO

¹¹ Ke nîwamataarîrie na akîmera atîrî, “Mûthamaki ûcio nîagecukia anake enyu na athiî nao; amwe ao nîakaamatua ndereva cia ikaari ciake cia mbaara, nao engî amatue a kûthiîcaga matûîte mbarathi ciake, nao makathiîcaga mavinyûrîte matongoreretie ikaari ciake cia mbaara.

1Sam 8:11 ပူးပေါင်းရင်းမြစ်များ

2Sam 15:1

Vuva wa ûguo Abusalomu nîwecarîrie gîkaari Kîam mbarathi, na andû mîrongo îtano a kûthiî marî mbere yake mavinyûrîte.

1Atha 1:5

Adonija mûvîcî wa Daudi ûrîa maagîte na mûka Hagithi nîwambîrîrie gwîtîîa akiugaga atî nîke ûgaatuîka mûthamaki. Kwoguo nîwavarîrîrie ikaari cia mbarathi, athigari arîa mathiîcaga mekarîrîte mbarathi na arûme mîrongo îtano mathiî mbere yake makinaga.

1Atha 10:26

Solomoni nîwaûnganirie vamwe ikaari cia mbaara na andû arîa maathiîcaga matûîte mbarathi. Aarî na ikaari ngiri îmwe na magana mana (1,400) cia mbaara, na athigari ngiri îkûmi na igîrî (12,000) arîa mathiîcaga matûîte mbarathi. Aamaigire matûûrarî marîa maaigagwa ikaari cia mbaara, nao acio engî akîmaiga Jerusalemu kwa mûthamaki.

1Atha 12:10

Nao anake acio a riika rîake nîmaamûcokerie atîrî, “Ûkeera andû acio maakwîraga atî, ‘aguo Solomoni nîwatûrutithagia mawîra marito, kwoguo tûvûthîrie mawîra mau’ atî; ‘Kaara gakwa karîa kanini nî kariku gûkîra kîûnû Kîam vava!

1Atha 12:4

“Aguo Solomoni nîwarutithagia mawîra marito. Kwoguo tûvûthîrie mawîra mau marito na ûtûnyivanyivîrie gooti, natue tûkaagûtungatagîra.”

1Atha 14:27

Vandûrî va cio Solomoni nîwarûthire ngo cia gîcango na akîinenganîra kûrî anene a agitîri a kîvingo Kîam mûciî wa mûthamaki nîguo maimenyagîrîre.

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

1Sam 10:25

Vîndî îo Samueli nîwataarîrie andû ûvoro wîgiî mawîra ma mûthamaki na agîcoka akîandîka mawîra mau îvukuurî, na akîriiga vandû varîa vatheru. Ke nîwacokire akîîra andû onthe menûke mîciî kwao.

1Sam 14:52

Ûtûûrorî wake wonthe, Saûlo nîwarûaga na Afilisiti na vinya mûno; na rîrîa rîonthe ke oonaga mûndûmûrûme wîna vinya kana mûmîrîru, ke nîwamwocaga na akamûtonyia gîkundirî gîake Kîam athigari ake a mbaara.

1Sam 22:7

Saûlo nîwerire ndungata ciake atîrî, “Nthikîrîriani mue andû a Benjamini! Mûreciria atî Daudi nîakaamûva muonthe mîgûnda ya irio na ya mîthavibu na amûtue anene a athigari ake?

1Sam 8:9

Kwoguo îtîkîra ûrîa magûkwîra, nwatî ûmataare mûno na ûmonererie maûndû megiî ûrîa mûthamaki ûcio wao akaamatha.”