1Sam 7:2 - ÎVUKU RÎA ÛVORO MWARO

² Narîo îthandûkû rîa Kîrîkanîro rîa Ngai-Mûnene nîrîekarire kûu Kiriathu Jearimu kwa îvinda rîa mîaka mîrongo îîrî. Narîo îvinda rîu rîarî îraca. Nao andû onthe a Isiraeli nîmaarîrîre Ngai-Mûnene nîguo amatethie.

1Sam 7:2 ပူးပေါင်းရင်းမြစ်များ

1Maû 13:3

Tûcoke tûthiî tûgîre îthandûkû rîa kîrîkanîro Kîam Ngai wetû rîcoke kûrî tue. Nîûndû nîtwarîtiganîrie vîndî îrîa Saûlo aarî mûthamaki.”

1Maû 13:5

Kwoguo Daudi nîwagomanirie andû onthe a Isiraeli kuuma Shihori mûvakarî wa Misiri nginya mwanyarî wa Hamathi. Andû acio maagomire nîguo mathiî magîre îthandûkû rîa kîrîkanîro Kîam Ngai kuuma Kiriathi-jearimu.

Jeremia 26:20

Kwarî mûndû wîngî wetagwa Uria mûvîcî wa Shemaia kuuma Kiriathi Jearimu. Ke arathire ûvoro wîgiî îtûûra rîîrî na vûrûri ûyû akîgwetaga rîîtwa rîa Ngai-Mûnene na ciugo wata cia Jeremia.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 31:9

Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Josh 9:17

Kwoguo andû a Isiraeli nîmaambîrîrie rûgendo na vuva wa mîthenya îthatû nîmaakinyire matûûrarî marîa andû acio. Matûûra mau metagwa Gibeoni, Kefira, Beerothi na Kiriathu-jearimu.

Atir 2:4

Rîrîa mûraika wa Ngai-Mûnene aarîkirie kûvecana ûvoro ûcio, andû onthe a Isiraeli nîmaambîrîrie kûrîra maugîrîrîtie.

1Sam 7:1

Nao athuuri a Kiriathu Jearimu nîmaanyûrûrûkire na magîoca îthandûkû rîa Kîrîkanîro rîa Ngai-Mûnene na makîrîvira mûciî kwa mûndû wetagwa Abinadabu. Nao nîmaatheririe mûûriû wake, Eleazaru nîguo atuîke mûmenyereri wa îthandûkû rîu rîa Ngai-Mûnene.

1Sam 7:3

Nake Samueli nîwerire andû a Isiraeli atîrî, “Ethîrwa nîmûkwenda gûcokerera Ngai-Mûnene na ngoro yonthe, nwanginya mûthengutie ngai cia kûndû kwîngî wana mûvuanano wa ngai îrîa îtagwa Ashitorathu. Îîvecaneni viû kûrî Ngai-Mûnene na mûmûgooce ke wenga, nake nîakûmûvonokia kuuma kûrî Afilisiti.”