1Sam 7:10 - ÎVUKU RÎA ÛVORO MWARO

¹⁰ Vîndî îrîa Samueli aarutaga îtega, Afilisiti nîmaakuvîvîrie Aisiraeli nîguo mamatharîkîre; nwatî Ngai-Mûnene nîwarurumîre Afilisiti na mûgambo mûnene kuuma îgûrû, na makîvîngîcîka; nao Aisiraeli makîmariva mûno.

1Sam 7:10 ပူးပေါင်းရင်းမြစ်များ

Thaburi 18:15

Îria nîrîanyaarire nthî, nayo mîcingi ya nthî nîyonekire, rîrîa wagûkirie nthû ciaku, we Ngai-Mûnene, na ûkîmagûkia ûrî na marakara.

Thaburi 29:3

Mûgambo wa Ngai-Mûnene nî wîguîkaga manjîrî meengî; Ngai ûrîa ûrî riiri agambaga ta wa ngûa, mûgambo wa Ngai-Mûnene ûragamba ûrî îriarî.

Thaburi 29:4

Mûgambo wa Ngai-Mûnene ûrî vinya, mûgambo wa Ngai-Mûnene wîcûrîtwe nî riiri.

Thaburi 78:66

Nîwengatire nthû ciake, na agîtûma itûûre na gîconoko tene na tene.

Zakaria 4:6

Nake mûraika ûcio nîwambîrire nginyîrie Zerubabeli ndûmîrîri îno yumîte kûrî Ngai-Mûnene mwene vinya wonthe nîmwîre atîrî, “Ndûkaavootana nîûndû wa vinya kana ûvoti waku, nwatî ûkaavotithua nî Roho wakwa.”

Gûco 28:7

“Rîrîa mwatharîkîrwa nî nthû cienyu, Ngai-Mûnene nîakaamûvotithia kûivoota. Mamûtharîkîra kuuma mwena ûmwe, makaaûra nîmue na mîena yonthe.

Josh 10:10

Ngai-Mûnene nîwatûmire Amori mamake mona athigari a mbaara a Isiraeli. Athigari a Isiraeli nîmaaûragire eengî kûu Gibeoni na nîmaavinyûririe mavîtûkîrîrîte mwanyarî wa kîrîma vandû vetagwa Bethi-horoni. Nîmaathiîre na mbere kûmatharîkîra nginya mwena wa îveti matûûrarî ma Azeka na Makeda.

Atir 4:15

Rîrîa Baraki na athigari ake maatharîkîre Sisera, Ngai-Mûnene nîwatûmire Sisera na ikaari ciake cia mbaara vamwe na andû ake mavîngîcîke. Sisera nîwaumire ngarirî yake ya mbaara na akîûra na magûrû.

Atir 5:20

Njata nîciarûire irî îgûrû, nîciarûire na Sisera irî varîa ithiîcagîrîra.

Atir 5:8

Nîgwacokire gûkîgîa mbaara vûrûrirî, rîrîa Aisiraeli maathuurire ngai ciîngî. Gatagatîrî ka arûme ngiri mîrongo îna a Isiraeli, kwanoneka ngo kana îtumû?

1Sam 12:17

Îvinda rîîrî nî rîrîa kwîthagîrwa gûtarî na mbura. Nwatî nie nîmvoya Ngai-Mûnene nîguo arete ngwa na aurithie mbura. Vîndî îrîa ûndû ûyû ûgeekîka nîrîo mue mûkaamenya, atî nîmwekire wîvia mûnene kûrî Ngai-Mûnene rîrîa mwetirie mûthamaki.”

1Sam 14:15

Nao Afilisiti onthe arîa maarî na kûu mîgûndarî makîmaka. Andû arîa maathiîte kûûragana vamwe na athigari arîa maarî magemarî nîmaainainire nîûndû wa guoya; nîkwagîre na kîthingithia nthî na gûkîgîa na kîmako kînene mûno.

1Sam 2:10

Ngai-Mûnene nîagacûkangia nthû ciake, nîakaairiva na mûgambo ta wa ngwa arî îgûrû. Ngai-Mûnene nîagaacirithia andû onthe a nthî, na ave mûthamaki ûrîa ke athuurîte ûvoti, amûve vinya wa kûvootana.”

1Sam 7:11

Aisiraeli nîmaarûmîrîrie Afilisiti makîmaûragaga kuuma kûu Mizipa nginya vakuvî na îtûûra rîa Bethi-kari.