1Sam 6:17 - ÎVUKU RÎA ÛVORO MWARO

¹⁷ Nao Afilisiti maavirîre Ngai-Mûnene nyimba ithano cia thaavu irî iveo nîûndû wa mevia mao. Wa îmwe yarutagîrwa îtûûra rîayo; îmwe îkîrutwa nîûndû wa îtûûra rîa Ashidodi, nayo îngî nîûndû wa îtûûra rîa Gaza, nacio icio ciîngî nîûndû wa matûûra ma Ashikeloni, Gathu, na Ekironi.

1Sam 6:17 ပူးပေါင်းရင်းမြစ်များ

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

2Sam 21:22

Andû acio ana maarî njiarwa cia andû arîa maarî vinya mûno maatûûraga Gathu, na nîmaaûragirwe nî Daudi na andû ake.

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Maû 26:6

Uzia nîwarûire na Afilisiti na akîomomora nthingo irîa ciairigîrîte îtûûra rîa Gathu, Jabune na îtûûra rîa Ashidodi. Nîwacokire agîtuma matûûra mengî manene vakuvî na Ashidodi na kûndû kwîngî vûrûrirî wa Filisiti.

Jeremia 25:20

na ageni onthe arîa matûûraga Misiri. Athamaki onthe a vûrûri wa Uzi, athamaki onthe a vûrûri wa Filisiti na nîmo: Ashikeloni, Gaza, Ekironi na matigari ma Ashidodi.

Alawi 5:7

Nwatî ethîrwa mûndû ndangîona ng'ondu kana mbûri, nîakaarutîra Ngai-Mûnene ndutuura igîrî kana macîa maîrî, îmwe îrî îtega rîa kûtheria wîvia, nayo îo îngî îrî îtega rîa kûvîvua.

Amosi 1:6

Ngai-Mûnene arauga atîrî, “Andû a Gaza matûûraga mevagia, kwoguo ndigaatiga kûmaverithia, nîmaavirire andû onthe Edomu, makîmendia kuo matûûre marî ngombo.

Amosi 6:2

Tathiîni îtûûra rîa Kaline mûkeyonere, na mûthiî îtûûrarî înene rîa Hamathi, na mûnyûrûrûke mûkinye îtûûrarî rîa Gathu vûrûrirî wa a Filisiti. Nîkwa maarî maro gûkîra mothamaki mama, kana nîkwa vûrûri wao ûrî mûnene gûkîra wenyu?

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

Atir 1:18

Andû a mûvîrîga wa Juda nîmaavootire matûûra ma Gaza, Ashikeloni, Ekironi na mavûrûri marîa maamathiûrûrûkîrîtie.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

Atir 16:1

Vîndî îmwe Samusoni nîwathiîre îtûûrarî rîa Gaza. Nîwethîre mûmaraa ûmwe kuo na akîmenyana nake kîîmwîrî.

Atir 16:21

Afilisiti nîmaamûnyitire na makîmûkûûra metho. Nîmaamûvirire Gaza, makîmûthaîka na nyororo cia gîcango na akîvewa wîra wa kûthîaga na kîthîi arî njeera.

1Sam 5:1

Afilisiti maatava îthandûkû rîa kîrîkanîro rîa Ngai, nîmaarîkuuire makîrîruta kûu Ebeneza na makîrîvira îtûûrarî rîao, rîrîa rîetagwa Ashidodi.

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”

1Sam 5:8

Kwoguo nîmaatûmire anjaama mathiî magete athamaki onthe atano a Afilisiti maûke vamwe. Nao nîmaaûririe athamaki acio atîrî, “Rîu nîtwîka atîa na îthandûkû rîrî rîa Kîrîkanîro rîa Ngai wa Isiraeli?” Nao athamaki makiuga atîrî, “Ocani Îthandûkû rîa Ngai wa Isiraeli na mûrîvire Gathu.” Kwoguo nîmaakuire îthandûkû rîa Ngai wa Isiraeli na makîrîvira Gathu; Gathu rîarî îtûûra rîngî rîa kûu Filisiti.

1Sam 6:4

Nao Afilisiti nîmaaûririe atîrî, “Nî kîveo kîrîkû tûngîmûvirîra gîa kûruta kîgongoona nîûndû wa mevia metû?” Na magîcokia makîmeera atîrî, “Tûnyamû tûtano twa thaavu tûviana nyimba na ngaara ithano îthondeketwe na thaavu, wa îmwe yacio îrî ya mûthamaki ûmwe wa Filisiti. Nîûndû mue muonthe wana athamaki enyu atano mwaverithirue na mûthiro wa mîrimû wata îo.