1Sam 6:14 - ÎVUKU RÎA ÛVORO MWARO

¹⁴ Nakîo gîkaari gîkîthiî na gîgîtonya mûgûndarî wa mûthuuri wetagwa Joshua na gîkîrûngama kuo vandû vaarî vakuvî na îthiga înene. Joshua aatûûraga Bethishemeshi. Nao andû magîatûranga mîtî îo yathondekete gîkaari kîu, makîûraga ng'ombe icio na magîitegera Ngai-Mûnene rîrî kîgongoona gîa kûvîvua.

1Sam 6:14 ပူးပေါင်းရင်းမြစ်များ

2Sam 24:18

Mûthenya wa ûcio, Gadi nîwathiîre kûrî Daudi na akîmwîra atîrî, “Thiî varîa Arauna avûûragîra ngano na ûtumîre Ngai-Mûnene metha ya kîgongoona vo.”

2Sam 24:22

Nake Arauna nîwerire Daudi atîrî, “Oca we mwathi wakwa, na ûrutîre Ngai-Mûnene kîrîa ûkwona Kîamgîrîrîte. Ndegwa cia kûruta îgongoona rîa kûvîvua nîcio ino; namo macoki ma cio na mîvûûro ya ngano ûtûmîre irî ngû.”

2Sam 24:25

Daudi nîwacokire agîtumîra Ngai-Mûnene metha ya kîgongoona vau, na akîrutîra magongoona ma kûvîvua na ma thayû vo. Kwoguo Ngai-Mûnene nîwegwire mavoya make na agîtûma mûthiro ûcio ûthire kûu Isiraeli.

1Atha 19:21

Kwoguo Elisha nîwacokire gîkundirî Kîam ndegwa ciake, akîithînja na akîruga nyama, agîtûmagîra îcoki rîrî ngû. Nîwavecanire nyama kûrî andû, na makîrîa. Nîwacokire akîrûmîrîra Elija na agîtuîka ndungata yake.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Atir 21:4

Kîraûko tene mûthenya ûcio wîngî, andû nîmaaramûkire na magîtuma metha ya kîgongoona kuo na makîruta matega ma kûvîvua na matega ma thayû.

Atir 6:26

Tumîra Ngai-Mûnene, Ngai waku metha mbaro ya kîgongoona vo, na woce ndegwa ya kaîrî na ûmîvîvie îrî îtega rîa kûvîvua. Ûcoke ûtûmîre icunjî icio ûgûtemanga cia mûvuanano wa ngai ya Ashera irî ngû.”

1Sam 11:5

Vîndî îo Saûlo aaumîte mûgûndarî arûmîrîrîte ndegwa ciake; nake nîwaûririe atîrî, “Nîndûî kîrî na thîna, na nîndûî kîratûma andû onthe marîre?” Nao nîmaamûvere ûvoro ûrîa anjaama arîa maaumîte Jabeshi maamerîte.

1Sam 20:29

Arambîrire atîrî, ‘Tiga nthiî nîûndû andû a mûciî wetû marî na kîgongoona îtûûrarî na mûrwaiya nîarenda mbîthîrwe nîrî kuo. Ethîrwa nî waro mbîtîkîria nthiî ngonane na aa mûrwaiya.’ Kîu nîkîo gîtûmi atarî gîtîrî gîake metharî.”

1Sam 6:13

Nao andû a kûu Bethishemeshi maakethaga ngano Kîamndarî Kîam mûgûnda. Nao rîrîa maaroririe kîvarirî îgûrû wa rîmwe nîmoonire îthandûkû rîa Kîrîkanîro na magîkena mûno.

1Sam 6:18

Wanacio ngaara cia thaavu nîciavirirwe matûûrarî monthe matano marîa maathagwa nî athamaki atano a Filisiti. Wa ngaara îmwe ya thaavu îkîvirwa îtûûrarî rîmwe. Nacio ciavirirwe matûûrarî marîa maarî mairigîre, wana icagirî kûrîa gûtaarî na nthingo. Narîo îthiga rîu înene rîrîa maaigîrîre îthandûkû rîa kîrîkanîro rîa Ngai-Mûnene mûgûndarî wa Joshua kûu Bethi-shemeshu, rîrîvo nginya ûmûnthî na nîrîonanagia ûrîa gwekîkire.