1Sam 6:11 - ÎVUKU RÎA ÛVORO MWARO

¹¹ Nao nîmeekîrire îthandûkû rîa Kîrîkanîro rîa Ngai-Mûnene gîkaarirî wa vamwe na kathandûkû karîa geekîrîtwe mîviano ya ngaara cia thaavu na cia nyimba.

1Sam 6:11 ပူးပေါင်းရင်းမြစ်များ

2Sam 6:3

Nîmaarutire îthandûkû rîa Kîrîkanîro rîa Ngai nyombarî ya Abinadabu îrîa yarî îgûrû rîa kîrîma makîrigîrîra îgûrû rîa gîkaari gîcerû. Nao anake a Abinadabu; Uza na Ahio nîo maathiîre na gîkaari kîu.

1Maû 13:7

Nao nîmaakuire îthandûkû rîa kîrîkanîro Kîam Ngai na gîkaari Kîam ng'ombe kuuma nyombarî ya Abinadabu. Uza na Ahio nîo maatwarithagia gîkaari.

Gûco 28:27

Ngai-Mûnene nîagaatûma mûgîe na nyimba ta irîa ciarî na andû a Misiri, na atûme mîîrî yenyu îtûrîkange ironda. Nîmûkaagîa na ûvere na mwîthûa na mûtikaavora.

1Sam 6:10

Nao andû acio nîmeekire wa ûguo meerirwe: nîmaanyitire ng'ombe igîrî ciakamagwa, magîcioverera gîkaarirî na makîvingîra tûcaû twacio rwagarî.

1Sam 6:12

Nacio ng'ombe icio ikîambîrîria kûthiî irûngîrîrîtie njîra îo yathiîte nginya Bethishemeshi. Nacio ciathiîre ikîanagia itakwîvûgûra mwena wa ûrîo kana wa ûmotho. Nao athamaki a Filisiti nîmaathiîre maciumîte vuva nginya magîkinya mûvakarî wa Bethishemeshi.

1Sam 6:4

Nao Afilisiti nîmaaûririe atîrî, “Nî kîveo kîrîkû tûngîmûvirîra gîa kûruta kîgongoona nîûndû wa mevia metû?” Na magîcokia makîmeera atîrî, “Tûnyamû tûtano twa thaavu tûviana nyimba na ngaara ithano îthondeketwe na thaavu, wa îmwe yacio îrî ya mûthamaki ûmwe wa Filisiti. Nîûndû mue muonthe wana athamaki enyu atano mwaverithirue na mûthiro wa mîrimû wata îo.