1Sam 5:4 - ÎVUKU RÎA ÛVORO MWARO

⁴ Nwarî rîrîa maaramûkire kîraûko tene mûthenya ûcio warûmîrîrîte, nîmeethîrîrie mûvuanano ûcio ûmamîte nthî na îvu rîngî mbere ya îthandûkû rîa Kîrîkanîro rîa Ngai-Mûnene. Vîndî îno, kîongo Kîam Dagoni vamwe na njara ciayo cioîrî ciarî vakuvî na mûrango irî munîkangu; mûvuanano ûcio wa Dagoni watigarîte gîcunjî kîu kîngî Kîam mwîrî wayo tu.

1Sam 5:4 ပူးပေါင်းရင်းမြစ်များ

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Isaia 40:20

Mûndû ûrîa mûthîni athuuraga mûtî ûrîa ûtangîora. Nîacokaga agacaria mûndû ûrî na wara wa kumia, na akamumîria mûvuanano ûrîa ûtangîgwa.

Jeremia 10:11

Kwoguo nîmûkaamera atî: “ngai irîa itaûmba nthî na îgûrû nîikaathira cionthe gûkû nthî.”

Jeremia 10:14

Mûndû nî kîrimû na ndarî ûmenyo; arîa onthe marûthaga mîvuanano ya thaavu nîmaconorithagua nîyo; nîûndû mîvuanano îo nî ya maveeni na ndîrî mwoyo.

Jeremia 10:15

Ngai icio nî cia mana na nî cia kînyarari; vîndî îrîa ikaverithua nî ikathirua.

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Danieli 11:8

Wana nî agaakuua ngai ciao cia mîvuanano athiî nacio Misiri wa vamwe na indo cia thaavu na cia sîlûva irîa itegeretwe ngai icio. Gûkethîrwa kûrî na thayû mîaka mîîngî.

Mika 1:7

Mîvuanano yonthe ya ngai cia Samaria nîngaamiunanga tûcunjî, indo irîa ciarutagîrwa maraa ma hekarûrî nîikaavîvua na mwaki, na mîvuanano yonthe îtuîke ya mana. Nîûndû andû a Samaria maaûnganirie indo icio na njîra ya ûmaraa, na igaatûmîrwa kûrîva maraa.

1Sam 6:5

Kwoguo nwanginya mue mûthondeke mîvuanano îno ya nyimba na ngaara cienyu irîa icûkagia vûrûri wenyu, na mûgoocithie Ngai wa Isiraeli. Ke avota gûtiga kûmûverithia, ngai cienyu wana vûrûri wenyu.