1Sam 5:11 - ÎVUKU RÎA ÛVORO MWARO

¹¹ Nakuo kûu îtûûrarî rîu rîonthe kwarî na kîmako kînene mûno nîûndû Ngai nîwamaverithagia mûno. Kwoguo nîmaatûmanire na makiuga athamaki onthe a Filisiti metwe maûke vamwe rîngî. Nao nîmeerire athamaki atîrî, “Rutani Îthandûkû rîrî rîa Kîrîkanîro rîa Ngai wa Isiraeli gûkû na mûrîcokie varîa rîagîrîrwe nî kwîthîrwa rîrî, nîguo rîtigatûûrage vamwe na andû a mîciî yetû.”

1Sam 5:11 ပူးပေါင်းရင်းမြစ်များ

Ntha 10:7

Nao anene a mûthamaki nîmaamûririe atîrî, “Mûndû ûyû nî athiî na mbere gûtûthînia nginya rî? Tiga andû a Isiraeli mathiî, nîguo makagooce Ngai-Mûnene, Ngai wao. Anga ndûrona ûrîa Misiri îcûkangîtue?”

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”

1Sam 5:6

Nake Ngai-Mûnene nîwavere andû a Ashidodi wa vamwe na andû a ndûrîrî irîa ciavakanîte nao îvera înene mûno na akîmeguithia guoya. Narîo îvera rîu rîarî rîa gûtûma andû a Ashidodi vamwe na andû acio engî magîe na nyimba mîîrîrî yao.

1Sam 6:5

Kwoguo nwanginya mue mûthondeke mîvuanano îno ya nyimba na ngaara cienyu irîa icûkagia vûrûri wenyu, na mûgoocithie Ngai wa Isiraeli. Ke avota gûtiga kûmûverithia, ngai cienyu wana vûrûri wenyu.