1Sam 4:7 - ÎVUKU RÎA ÛVORO MWARO

⁷ Afilisiti nîmeetigîrire na makiuga atîrî, “Ngai nî nginyu kûrîa andû a Isiraeli matûûraga! Na kaî tue tûrî arume-î! Nîûndû ûndû ta ûyû ndwanonekana gatagatîrî getû mbererî!

1Sam 4:7 ပူးပေါင်းရင်းမြစ်များ

Ntha 14:14

Ngai-Mûnene nîakûmûrûîrîra na gûtirî na vata wa mwîke ûndû wana ûrîkû.”

Ntha 14:25

Nîwatûmire magûrû ma ngari ciao cia mbarathi maremera, na kwoguo nîmaagîre na thîna wa kûthiî mbere. Nao andû a Misiri nîmaaugire atîrî, “Ngai-Mûnene ararûa natue akîrûîrîra andû a Isiraeli. Nîtûre tuume varî o!”

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

1Sam 4:6

Nao Afilisiti megua ûrîa Aisiraeli maaugîrîrîtie, nîmaaugire atîrî, “Ta Thikîrîriani ûrîa înegene rîngîvîîte kûrîa Ahibirania matûûraga! Înegene rîu nîrîandûî?” Na rîrîa maamenyire atî îthandûkû rîa Kîrîkanîro rîa Ngai-Mûnene nîrîakinyîte kûrî Ahibirania,

1Sam 4:8

Na kaî tue tûrî arume-î! Nî ûrîkû ûngîtûvonokia kuuma kûrî ngai icio irî vinya ûguo? Nacio ngai icio nîcio ciaûragîîre Amisiri werûrî na mîrimû ya mîthemba yonthe!