1Sam 4:3 - ÎVUKU RÎA ÛVORO MWARO

³ Na rîrîa andû arîa maatigarire maacokire varîa maambîte magema mao, athuuri a Isiraeli nîmaaûranirie atîrî, “Nî ndûî gîatûma Ngai-Mûnene atûrekereria tûvootwe nî Afilisiti ûmûnthî? Tûthiîni tûoce îthandûkû rîa kîrîkanîro rîa Ngai-Mûnene kuuma Shilo tûke narîo gûkû, nîguo tûthiî nake agatûvonokie kuuma kûrî nthû cietû.”

1Sam 4:3 ပူးပေါင်းရင်းမြစ်များ

2Sam 15:25

Mûthamaki nîwacokire akîîra Zadoku atîrî, “Cokia îthandûkû rîa kîrîkanîro Kîam Ngai-Mûnene îtûûrarî. Ethîrwa Ngai-Mûnene nîmûkenu nînie, vîndî îmwe nîakanjokia gûkû rîngî nîguo nîrîone na mone varîa rîkaraga.

1Maû 17:1

Mûthamaki Daudi arî gwake nyomba nîwerire mûrathi Nathani atîrî, “Taroria, nie ndûûraga nyomba îtumîtwe na mîtarakwe, nwatî îthandûkû rîa kîrîkanîro Kîam Ngai-Mûnene rigîtwe îgemarî.”

Thaburi 74:1

Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Thaburi 74:11

Nîûrega gûtûtethia nîkî? Nîûrega gûtambûrûkia njara nîkî?

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 58:3

Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Isaia 59:1

Tigani gwîciiria atî Ngai-Mûnene ndarî na vinya wa kûmûvonokia, kana atî matû make nîmavingaru ndangîvota kûmwîgua!

Isaia 59:2

Nwatî mevia menyu nîmamwamûranîtie na Ngai wenyu. Nî mevia menyu matûmîte amwîthithîre nîguo ndakamwîgue mwamûvoya.

Jeremia 3:16

Vîndî îrîa mûkethîrwa mwongererekete na mûkengîva vûrûrirî, andû matigekaraga matakûgweta îthandûkû rîakwa rîa kîrîkanîro. Andû matikagweta, kana marîririkana rîngî, matikarîvatara kana marûtha rîngî.

Jeremia 7:4

Mûtikevoke ciugo ino cia maveeni: ‘Îno nî hekarû ya Ngai-Mûnene, îno nî hekarû ya Ngai-Mûnene, îno nî hekarû ya Ngai-Mûnene.’

Ndari 10:33

Kwoguo andû a Isiraeli nîmaaumire kîrîmarî kîrîa kîtheru gîa Sinai, na makîthiî rûgendo rwa mîthenya îthatû. Îthandûkû rîa kîrîkanîro Kîam Ngai-Mûnene nîrîamatongorerie nîguo rîmacarîrie vandû va kwamba magema.

Ndari 10:35

Îthandûkû rîa kîrîkanîro rîambîrîria kûthiî, Musa nîwaugaga atîrî, “Ngai-Mûnene ûkîra ûnyaganie nthû ciaku na ûtûme arîa makûmenete maûre!”

Ndari 31:6

Musa nîwatûmire arûme acio mbaararî. Nao maatongoretue nî Finehasi mûvîcî wa Eliazaru mûthînjîri-Ngai. Finehasi athiîre akuuîte indo cia Vandû Varîa Vatheru vamwe na tûrumbeta twa kûvuva nîûndû wa mbaara.

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

Gûco 31:26

“Ocani îvuku rîîrî rîa Watho na mûriige mwenarî wa îthandûkû rîa kîrîkanîro Kîam Ngai-Mûnene Ngai wenyu nîguo rîkarage vau rîrî ûira kûrî mue.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

Ahib 9:4

Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”

Josh 6:6

Kwoguo Joshua nîwetire athînjîri-Ngai na nîwamerire atîrî, “Kuuani îthandûkû rîa kîrîkanîro na engî mûgwanja mathiî marî mbere ya îthandûkû rîa kîrîkanîro makuuîte tûrumbeta twa mvîa cia ndûrûme.”

Josh 7:7

Joshua nîwaûririe atîrî, “Ûûi, Mwathani Ngai-Mûnene! Watûringirie rûnjî rwa Jorodani nîkî? Watûretire tuonthe nîguo ûtûnenganîre kûrî Aamori matûthirie? Nî kava tûngîekarire mûringo ûrîa wîngî wa rûnjî rwa Jorodani.

Josh 7:8

Ûûi Mwathani, nîmbuga atîa na Aisiraeli nîmaûra nî nthû ciao?

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.

1Sam 1:24

Na vîndî îrîa Hana aatigithirie mwana kwonga, nîwocire Samueli, akiunûkia nake na akîmûvira nyombarî ya Ngai-Mûnene kûu Shilo. Hana akîvira Samueli nîwathiîre na ndegwa yarî na ûkûrû wa mîaka îthatû, ndeve îmwe ya mûtu, na mbooro îcûrîte ndivei.

1Sam 14:18

Nake Saûlo nîwerire Ahija, ûrîa mûthînjîri-Ngai atîrî, “Rete îthandûkû rîa Kîrîkanîro rîa Ngai ava.” (Mûthenya ûcio, Ahija aathiîte arîkuîte arî mbere ya andû a Isiraeli.)

1Sam 4:2

Nao Afilisiti nîmaathithûkîre Aisiraeli na makîambîrîria kûrûa nao. Na vuva wa kûrûa mbaara ndito Afilisiti nîmaavootire Aisiraeli na makîûragîra Aisiraeli ta ngiri inya kûu mbaararî îo.