1Sam 4:17 - ÎVUKU RÎA ÛVORO MWARO

¹⁷ Nake mûnjaama nîwacokirie na akiuga atîrî, “Aisiraeli nîmaaûrire nî Afilisiti; na andû etû eengî mûno maûragwa! Makîria ya ûguo, anake aku Hofini na Finehasi wanao nîmaûragirwe, na îthandûkû rîa Kîrîkanîro rîa Ngai rîatavwa!”

1Sam 4:17 ပူးပေါင်းရင်းမြစ်များ

Thaburi 78:61

Ngai nîwarekererie Îthandûkû rîake rîa Kîrîkanîro rîtavwe nî nthû, akîrekereria riiri wake njararî cia nthû.

Thaburi 78:64

Athînjîri-Ngai ao nîmaaûragîrwe mbaararî, na aka ao a ndigwa matiamacakaîra.

1Sam 2:34

Naguo ûndû ûrîa ûgeekîka kûrî anake aku oîrî, Hofini na Finehasi nîguo ûgaatuîka kîmenyithia kûrî we atî, maûndû monthe marîa mbugîte nîmakaavinga. Naguo nî atî, anake aku wa oîrî magaakua mûthenya ûmwe.

1Sam 3:11

Nake Ngai-Mûnene nîwerire Samueli atîrî, “Ta roria, nîrî vakuvî gwîka ûndû mûcûku kûrî andû a Isiraeli na mûndû wonthe ûrîa ûkaawîgua nîakaamaka.

1Sam 3:12

Mûthenya ûcio nîrîo ngaavingia maûndû monthe marîa naririe megiî Eli na andû a mûciî wake, kuuma Kîammbîrîria nginya mûthiia.

1Sam 4:16

Nake mûthuuri ûcio nîwerîre Eli atîrî “Nie nîkwa natoroka nauma mbaararî ûmûnthî na naûka mvinyûrîte nginya gûkû.” Nake Eli nîwaûririe mûthuuri ûcio atîrî, “Nîkwa gwekara atîa, mûûriû wakwa?”

1Sam 4:18

Nake mûnjaama agweta îthandûkû rîa Kîrîkanîro rîa Ngai, Eli agîturûkana nthî na ngara vau mwenarî wa kîvingo. Nake agwa nîwaunîkire ngingo na agîkua, nîûndû aarî mûkûrû na aarî mûrito. Nake eethîrîtwe arî mûtucanîri wa andû a Isiraeli vandû va îtîîna rîa mîaka mîrongo îna.