1Sam 4:16 - ÎVUKU RÎA ÛVORO MWARO

¹⁶ Nake mûthuuri ûcio nîwerîre Eli atîrî “Nie nîkwa natoroka nauma mbaararî ûmûnthî na naûka mvinyûrîte nginya gûkû.” Nake Eli nîwaûririe mûthuuri ûcio atîrî, “Nîkwa gwekara atîa, mûûriû wakwa?”

1Sam 4:16 ပူးပေါင်းရင်းမြစ်များ

2Sam 1:4

Nake Daudi nîwamwîrire atîrî, “Ta mbîra ûrîa gwîkarire.” Nake mwanake ûcio nîwacokerie Daudi atîrî, “Andû etû nîmaûrire mauma mbaararî na andû eengî mûno etû maûragwa. Saûlo na Jonathani wanao nîmaûragirwe.”

Josh 7:19

Joshua nîwacokire akîra Akani atîrî, “Mûvîcîwa, aria ûma mbere ya Ngai-Mûnene, Ngai wa Isiraeli na ûmûve riiri. Mbîra ûrîa wîkîte ûtakûnthitha.”

1Sam 3:6

Nake Ngai-Mûnene nîwetanire rîngî akiuga atîrî, “Samueli!” Nake Samueli nîwaûkîrire na akîthiî kûrî Eli na akîmwîra atîrî, “Nie nîrî ava, nîûndû nîwambîta.” Nwatî Eli nîwamûcokerie atîrî, “Nie ndirî mûgwîtu mûrîcîwa, thiî ûkamame rîngî.”

1Sam 4:17

Nake mûnjaama nîwacokirie na akiuga atîrî, “Aisiraeli nîmaaûrire nî Afilisiti; na andû etû eengî mûno maûragwa! Makîria ya ûguo, anake aku Hofini na Finehasi wanao nîmaûragirwe, na îthandûkû rîa Kîrîkanîro rîa Ngai rîatavwa!”