1Sam 4:13 - ÎVUKU RÎA ÛVORO MWARO

¹³ Rîrîa mûthuuri ûcio aakinyire, Eli aaroretie ekarîrîte gîtî rûtere rwa njîra. Ngoro ya Eli nîyatangîkîte mûno nîûndû wa îthandûkû rîa Kîrîkanîro rîa Ngai. Na rîrîa mûthuuri ûcio aatonyire na akîvecana ûvoro îtûûrarî rîu, andû onthe a îtûûra nîmaarîrire mecûrîtwe nî guoya mûno.

1Sam 4:13 ပူးပေါင်းရင်းမြစ်များ

Thaburi 26:8

Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

Jeremia 48:19

Mue arîa mûtûûraga Aroeri, rûngamani mûkîra wa njîra mwîrorerie! Ûriani arîa mavinyûrîte maûrîte atîrî: ‘Nîkwa gwekara atîa?’

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”

1Sam 1:9

Vîndî îmwe, marîkia kûrîa irio wana kûnyua marî nyombarî ya Ngai-Mûnene kûu Shilo, Hana nîwarûngamire. Vîndî îo Eli mûthînjîri-Ngai eekarîte nthî vakuvî na mûrango wa hekarû ya Ngai-Mûnene.

1Sam 4:14

Na vîndî îrîa Eli eegwire înegene rîu nîwaûririe atîrî, “Înegene rîu rîonthe nî rîa ndûî?” Nake mûthuuri ûcio nîwathiîre kûrî Eli na îvenya na akîmûmenyithia ûvoro ûcio.

1Sam 4:18

Nake mûnjaama agweta îthandûkû rîa Kîrîkanîro rîa Ngai, Eli agîturûkana nthî na ngara vau mwenarî wa kîvingo. Nake agwa nîwaunîkire ngingo na agîkua, nîûndû aarî mûkûrû na aarî mûrito. Nake eethîrîtwe arî mûtucanîri wa andû a Isiraeli vandû va îtîîna rîa mîaka mîrongo îna.