1Sam 4:10 - ÎVUKU RÎA ÛVORO MWARO

¹⁰ Kwoguo Afilisiti nîmaarûire na kîîo na makîvoota Aisiraeli. Nao Aisiraeli nîmaathiîre mîciî kwao mavinyûrîte. Nakuo nîkwarî na ûûragani mwîngî mûno, na athigari ngiri mîrongo îthatû a Isiraeli nîmaaûragirwe.

1Sam 4:10 ပူးပေါင်းရင်းမြစ်များ

2Sam 18:17

Nîmoocire kimba Kîam Abusalomu, magîgikia îrimarî îraca mûno rîarî kûu mûtitûrî, magîcoka makîûmbîrîra mathiga meengî mûno vo. Nao Aisiraeli onthe nîmaaûrire makîthiî kwao mîciî.

2Sam 18:7

Athigari a Daudi nîmaavootire andû a Isiraeli. Ûvootani ûcio warî mûnene mûno nîûndû andû ngiri mîrongo îrî a Isiraeli nîmaaûragirwe.

2Sam 19:8

Mûthamaki nîwacokire agîûkîra na akîthiî agîkarîra gîtî vakuvî na kîvingo Kîam îtûûra. Rîrîa andû ake onthe maamenyire atî vau nîvo aarî, nîmaagomanire vo. Vîndî îo Aisiraeli onthe maarî aûru na wa mûndû akathiî gwake mûciî.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

1Atha 22:36

Riûa rîthiîte kûthûa, nîkwanîrîrwe kûrî athigari onthe a mbaara na mûgambo mûnene kûu Isiraeli atîrî, “Andû onthe, wa mûndû nîacoke vûrûrirî wake na wa mûndû acoke îtûûrarî rîake!”

2Atha 14:12

Andû a Juda nîmaavootirwe nî andû a Isiraeli, na athigari ao onthe makînûka wa mûndû gwake mûciî.

2Maû 13:17

Abija na athigari ake nîmaatharîkîre na makîûraga athigari eengî mûno a Isiraeli. Athigari arîa njamba a mbaara ngiri magana matano (500,000) a Isiraeli nîmaaûragirwe.

2Maû 25:22

Athigari a mbaara a Juda nîmaavootirwe nî athigari a mbaara a Isiraeli na nîmaaûrire makîthiî kwao mîciî.

Thaburi 78:9

Wana ethîrwa andû a Efiraimu maarî na moota na mîguî, nîmaaûrire nî nthû ciao rîrîa maarî mbaararî.

Jeremia 7:12

Thiîni wa rîu Shilo, kûrîa nathuurîte mbererî ngocagîrwe kuo na mwone ûrîa nagûcûkangirie nîûndû wa waganu wa andû akwa a Isiraeli.

Alawi 26:17

Nîngaamûtiganîria nîguo mûkaavootwa nî nthû cienyu, nao andû arîa mamûmenete nî makaamwatha. Mûkaamaka nginya mûrage wana gûtarî mûndû ûmûvinyûrithîtie.

Gûco 28:15

“Nwatî ethîrwa mûtikaathîkîra na kinyi ûrîa Ngai-Mûnene Ngai wenyu akuuga, kana mûrege kûvingia maathani make na maûndû monthe marîa ngûmwatha ûmûnthî nîmûkaanyitwa nî irumi ino cionthe irûmîrîrîte na mûtûûre nacio nginya rîrîa ikaamûthiria.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

1Sam 3:11

Nake Ngai-Mûnene nîwerire Samueli atîrî, “Ta roria, nîrî vakuvî gwîka ûndû mûcûku kûrî andû a Isiraeli na mûndû wonthe ûrîa ûkaawîgua nîakaamaka.

1Sam 4:2

Nao Afilisiti nîmaathithûkîre Aisiraeli na makîambîrîria kûrûa nao. Na vuva wa kûrûa mbaara ndito Afilisiti nîmaavootire Aisiraeli na makîûragîra Aisiraeli ta ngiri inya kûu mbaararî îo.