1Sam 31:9 - ÎVUKU RÎA ÛVORO MWARO

⁹ Nîmaatinirie kîongo gîa Saûlo na makîmûruta nguo ciake cia mbaara. Nîmaacokire magîtûma anjaama vûrûrirî wonthe wa Afilisiti makamenyithanie ûvoro ûcio mwaro kûrî ngai ciao cia mîvuanano, na kûrî andû ao.

1Sam 31:9 ပူးပေါင်းရင်းမြစ်များ

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

1Sam 17:51

Daudi nîwavinyûrire akîrûngama vakuvî na Goliathu, agîcomora rûviû rwa Goliathu njûrarî, akîmûtinia kîongo na akîmûraga. Nao Afilisiti nîmaatorokire rîrîa moonire atî njamba yao nîyaûragwa.

1Sam 17:54

Nake Daudi nîwocire kîongo Kîam Goliathu na agîkîvira Jerusalemu, nwatî indo cia mbaara irîa Goliathu aavûthagîra agîciga îgemarî rîake.

1Sam 31:4

Saûlo nîwacokire akîra mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage nîguo Afilisiti aya matetigîrîte Ngai matigaûke kûnthekerera na mambûrage.” Nwatî mwanake ûcio nîwegwire guoya nyîngî mûno na ndangîavotire gwîka ûguo. Kwoguo Saûlo nîwocire rûviû rwake na akîîgwîthia îgûrû rîa ruo.

1Sam 31:8

Naguo mûthenya ûcio warûmîrîrîte rîrîa Afilisiti maathiîre kwîa indo irîa ciarî na andû arîa maaûragîtwe, nîmoonire ciimba cia Saûlo na anake ake athatû igwîte kûu kîrîmarî Kîam Giliboa.