1Sam 31:7 - ÎVUKU RÎA ÛVORO MWARO

⁷ Rîrîa Aisiraeli arîa maarî mwena ûcio wîngî wa Kîamnda Kîam Jezireeli na arîa maarî mwena wa îrathîro wa rûnjî rwa Jorodani meegwire atî andû a Isiraeli nîmaûra, na atî Saûlo na anake ake maarî akuû, nîmaatiganîrie matûûra mao na makîûra. Nao Afilisiti nîmaathiîre na magîtûûra matûûrarî mau.

1Sam 31:7 ပူးပေါင်းရင်းမြစ်များ

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Atir 6:2

Andû a Midiani maarî na vinya gûkîra Aisiraeli. Nao Andû a Isiraeli nîmeethithire ngurungarî na kûndû kwîngî kûu irîmarî.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;

1Sam 13:7

Nao arîa engî makîringa rûnjî rwa Jorodani makîthiî mavûrûrirî ma Gadi na Gileadi. Vîndî îo Saûlo aarî Giligali, nao andû onthe arîa maarî nake nîkwa maainainaga nîndû wa guoya.

1Sam 31:6

Ûguo nîguo Saûlo, anake ake athatû, mwanake ûrîa wamûkuuagîra indo cia mbaara na athigari onthe a Saûlo maakwire mûthenya wa ûcio.

1Sam 31:8

Naguo mûthenya ûcio warûmîrîrîte rîrîa Afilisiti maathiîre kwîa indo irîa ciarî na andû arîa maaûragîtwe, nîmoonire ciimba cia Saûlo na anake ake athatû igwîte kûu kîrîmarî Kîam Giliboa.