1Sam 31:4 - ÎVUKU RÎA ÛVORO MWARO

⁴ Saûlo nîwacokire akîra mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage nîguo Afilisiti aya matetigîrîte Ngai matigaûke kûnthekerera na mambûrage.” Nwatî mwanake ûcio nîwegwire guoya nyîngî mûno na ndangîavotire gwîka ûguo. Kwoguo Saûlo nîwocire rûviû rwake na akîîgwîthia îgûrû rîa ruo.

1Sam 31:4 ပူးပေါင်းရင်းမြစ်များ

2Sam 1:1

Saûlo arîkia gûkua, Daudi nîwacokire kûu Zikilagi na agîkara kuo mîthenya îîrî arîkia kûvoota Amaleki.

2Sam 1:14

Daudi nîwamûûririe atîrî, “Wavotire kûûraga mûthamaki ûrîa Ngai-Mûnene athuurîte atîa?”

2Sam 1:20

Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

2Sam 1:6

Mwanake ûcio nîwacokerie Daudi atîrî, “Nie naarî vau kîrîmarî gîa Giliboa na nînoonire Saûlo anyitîte îtumû rîake. Nacio ikaari cia mbarathi na athigari arîa mathiîcaga matûîte mbarathi cia nthû, ciathiîte imûrûmîrîrîte na îvenya.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

2Sam 21:12

nîwathiîre na agîoca mavîndî ma Saûlo na ma mûvîcî wa Saûlo, Jonathani kuuma kûrî andû a Jabeshi kûu Gileadi. (Andû a Jabeshi maaîîte mavîndî mau na makamaruta gatagatî ga îtûûra rîa Bethi Shani kûrîa Afilisiti maamacurîtie îgûrû mûthenya ûrîa maaûragîre Saûlo kîrîmarî Kîam Giliboa.)

1Atha 16:18

Rîrîa Zimuri oonire atî îtûûra rîrîa rînene rîarî rîtave, nîwatonyire nyomba ya ndaarî ya mûthamaki, akîmundia nyomba ya mûthamaki mwaki, akîvîîra kuo na agîkua.

1Atha 16:27

Maûndû marîa mengî monthe marîa Omuri eekire wa vamwe na ûcamba ûrîa oonanirie nîmandîke Îvukuurî rîa Maûndû ma Tene ma Athamaki Isiraeli.

1Maû 10:4

Nake nîwerire mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage, nîguo Afilisiti aya matatîîte Ngai matikanume.” Nwatî mwanake ûcio wamûkuuagîra indo cia mbaara ndaamûraga nîûndû nîwetigagîra mûno. Kwoguo Saûlo nîwacomorire rûviû rwake na akîyûraga naruo.

Atir 14:3

Nwatî îthe na ng'ina nîmaamûririe atîrî, “Ûrenda kûvikia mûndûmûka kuuma kûrî Afilisiti arîa matarî aruu nîkî? Nîkwa ûtangîthuura mûndûmûka kuuma kûrî andû a mbarî yetû, kana gatagatîrî ka andû etû onthe?” Nwatî Samusoni nîwerire îthe na ng'ina atîrî, “Nîrenda mûngîrîre ûcio nîûndû nîke mendete mûno.”

Atir 9:54

Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.

1Sam 31:5

Rîrîa mwanake ûcio wamûkuuagîra indo cia mbaara oonire atî Saûlo nîwakua, wanake nîwegwîthirie îgûrû rîa rûviû rwake na agîkua vamwe na Saûlo.