1Sam 30:8 - ÎVUKU RÎA ÛVORO MWARO

⁸ Nake Daudi nîwaûririe Ngai-Mûnene atîrî, “Nthiî nûmîrîre gîkundi gîkî? Nîngûgîkinyîra?” Nake Ngai-Mûnene nîwacokirie atîrî, “Îî kîrûmîrîre nîûgûgîkinyîrîra na ûvonokie andû arîa atave.”

1Sam 30:8 ပူးပေါင်းရင်းမြစ်များ

Kîam 14:16

Aburamu nîwavotire gûcokithia indo irîa ciatavîtwe wa vamwe na mwîvwa wake na indo ciake, aka na andû arîa engî onthe maatavîtwe.

2Sam 5:19

Nake Daudi nîwaûririe Ngai-Mûnene atîrî, “Nîûkwenda ntharîkîre Afilisiti? Nîûkûmvotithia kûmavoota?” Nake Ngai-Mûnene nîwacokirie atîrî, “Îî, thiî ûmatharîkîre! Nîngûkûvotithia kûmavoota.”

2Sam 5:23

Rîrîa Daudi aaririe na Ngai-Mûnene rîngî, Ngai-Mûnene nîwamwîrire atîrî, “Ndûkamatharîkîre kuuma mwena ûyû, nwatî thiûrûrûka ûmatharîkîre kuuma mwena ûrîa wîngî wa mîtî ya mîkûngûgû.

Thaburi 50:15

Mbîtaga vîndî îrîa wanyitwa nî thîna; nîngaakûvonokia nawe nîûkaangumia.”

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Ntha 15:9

Nthû yaugire atîrî, ‘Nie nîngûmarûmîrîria na nîmanyite, nîngûgaania ûtonga wao na nthiî na ûrîa wonthe ngwenda, nîngûcomora rûviû rwa njûra nîmathirie na njara yakwa.’

Ndari 27:21

Eliazaru, mûthînjîri-Ngai nîke ûkaamûmenyithagia wendi wakwa na njîra ya gûtûmîra Urimu na Thumimu. Na njîra îo, Eleazaru agaatongoragia Joshua na andû onthe a Isiraeli maûndûrî mao monthe.”

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.

Atir 20:28

Nake Finehasi, mûvîcî wa Eliazaru nîke warîmenyagîrîra. Eleazaru aarî mûvîcî wa Aroni. Andû a Isiraeli nîmaaûririe Ngai-Mûnene atîrî, “Nî waro tûthiîte kûrûa na andû etû a Benjamini rîngî, kana twîkare?” Nake Ngai-Mûnene nîwamacokerie atîrî, “Thiîni mûkarûe nao. Rûyû nîngaamûvotithia kûmavoota.”

Atir 8:4

Vîndî îo Gideoni na andû ake magana mathatû maarî akinyu rûnjîrî rwa Jorodani na makarûringa. Maarî athiru vinya, nwatî nwa maarûmîrîrîtie nthû ciao na îvenya.

1Sam 10:22

Kwoguo nîmaaûririe Ngai-Mûnene atîrî, “Nî kûrî na mûndû wîngî ûtarî ava?” Nake Ngai-Mûnene nîwacokirie na akiuga atîrî, “Taroria, Saûlo ethithîte kûrîa mîrigo igagwa.”

1Sam 14:37

Nake Saûlo nîwaûririe Ngai atîrî, “Nie nîmbagîrîrwe nthiî ngarûe na Afilisiti? We nîûgûtûvotithia kûvootana?” Nwatî Ngai ndaacokeria Saûlo mavoya make mûthenya ûcio.

1Sam 23:2

Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”

1Sam 23:4

Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.

1Sam 30:18

Daudi nîwavonokirie andû onthe na indo cionthe irîa Amaleki maatavîte vamwe na aka ake oîrî.

1Sam 30:19

Gûtirî kîndû wanarî kîmwe Kîamûrire. Daudi nîwacokithirie anake na erîtu onthe a andû ake wa vamwe na indo cionthe irîa ciatavîtwe nî Amaleki.