Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1Sam 30:6 - ÎVUKU RÎA ÛVORO MWARO

6 Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.

အခန်းကိုကြည့်ပါ။ ကော်ပီ




1Sam 30:6
51 ပူးပေါင်းရင်းမြစ်များ  

Jakovu nîwegwire guoya na agîtangîka mûno. Nîwagaanirie andû arîa aarî nao, mbûri na ng'ondu, ng'ombe na ngamîîra, maita maîrî.


We nî wicî atî Daudi na andû ake nî andû marî na vinya na methagîrwa marî aganu ta ngatûnyi îcuunîtwe ciana ciayo. Nake aguo nîwicî maûndû ma mbaara mûno na ndangîtîkîra kûraarania na andû ake.


Nwatî rîrîa mûndûmûka ûcio aakinyire kûrî Elisha vau kîrîmarî, nîwanyitire magûrû ma Elisha. Nake Gehazi nîwathiîre vakuvî nîguo amûthengutie vo, nwatî Elisha nîwamwîrire atîrî, “Tigana nake, nîûndû arî na ûndû ûramûthînia mûno ngororî; na Ngai-Mûnene nîanthithîte ûndû ûcio, akarega kûmbîra.”


Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.


Nînathiîre mbere na gwîtîkia, wana rîrîa naaugire atîrî, “Nie nînthînîkîte mûno.”


Rîrîa nagwîtire, we nîwambîtîkire, nîwanyongerere vinya.


Ngai-Mûnene nîke ûngitagîra, nîke mûgitîri wakwa ûrîa mûnene. Ngai wakwa nîke ûngitagîra, na varî ke nîmûgitîre. Angitagîra kuuma kûrî nthû ciakwa ta ngo; angitagîra na akambiga nîrî na thayû.


Rîrîa naarî thînarî nînetire Ngai-Mûnene, nînaakaîre Ngai wakwa nîguo andethie. Nîwambîguire arî hekarûrî yake, nîwathikîrîrie ngîmûkaîra nîguo andethie.


Nthirîria mîtangîko ya ngoro yakwa, na ûndute mathînarî makwa monthe.


Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.


Gîani na vinya na mûmîrîrie, mue muonthe arîa mwîvokete Ngai-Mûnene.


Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na nîmûkumie rîngî, mûvonokia wakwa na Ngai wakwa.


Nîndûî gîtûmîte ngîe na kîeva ûguo ngororî? Nîrathînîka ûguo nîkî? Nîmbiga mwîvoko wakwa kûrî Ngai, na nîngaamûkumia rîngî, ke nîke mûvonokia wakwa na Ngai wakwa.


Mathîna manthiûrûrûkîrîtie ta mwîcûro wa manjî, maragamba ta ndurumo cia manjî manyûrûrûkîte mathiîte Jorodani, nîraikanua nî makûmbî ma manjî na ndivû ciamo.


Nîîvokete Ngai na ndiîtigagîra. Mûndû angîmbîka atîa?


Mbetererete Ngai wenga tu ngirîrîrîtie; ûvonokio wakwa umaga kûrî ke.


Mbetererete Ngai wenga tu ngirîrîrîtie; kîîrîgîrîro gîakwa kîrî kûrî ke.


Ngai wakwa, mvonokia kuuma kûrî andû arîa aganu, kuuma kûrî andû arîa matarî ntha na acûku.


Nîûndû we Ngai-Mûnene, nîwe kîîrîgîrîro gîakwa; kîîrîgîrîro gîakwa kuuma nîrî mûnini.


Kwoguo Musa nîwathaithire Ngai-Mûnene akîmwîra atîrî, “Nîmbîka andû aya atîa? Rîu marî vakuvî kûndiva na mathiga.”


Ngai-Mûnene nîta nyomba ndaca na îrî na vinya, kûrîa andû arîa athingu mangîûrîra makagîa na ûgitîri.


Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;


We Ngai-Mûnene nîwe ûngitagîra na ûmvecaga vinya; nîwe ûndethagia vîndî ya mathîna. Mavûrûri kuuma mîena yonthe ya nthî nîmagaûka kûrî we makwîre atîrî, “Gûtirî kîndû methe metû maagaire tiga ngai cia maveeni, na indo îtarî vata kana umithio.


na akiuga atîrî, “Rîrîa naagiîkaga, nînaagwîtire we Ngai-Mûnene, na nîwandethirie. Rîrîa naarî îvurî rîa arîa akuû, nînetanire na ûkîmbîgua.


Nwatî andû onthe a Isiraeli nîmeendire kûûraga Joshua na Kalebu na mathiga. Wa rîmwe Ngai-Mûnene nîwaumîrîre andû onthe a Isiraeli na riiri mûnene ûrîa moonire ûrî îgûrû rîa îgema rîa Ngai-Mûnene.


Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”


Pilato nîwamaûririe atîrî, “Mûrenda mbîke atîa vi na Jesû ûrîa wîtagwa Mesaya?” Nao nîmaamûcokerie atîrî, “Mwambe mûtharavarî îgûrû!”


Nao nîmoocire mathiga nîguo mamwikie, nwatî Jesû nîwethithire na akiuma kûu hekarûrî.


Iburahimu nîwetîkîtie na akerîgîrîra wana rîrîa ataarî na gîtûmi gîa kwîrîgîrîra. Kwoguo nîwatuîkire, “Îthe wa ndûrîrî nyîngî.” Wata ûrîa Mandîko Matheru maugîte atîrî, “Njiarwa ciaku nîikengîva ta njata cia îgûrû.”


Nake nîwekarire etîkîtie na atarî na nganja îgûrû rîa kîîranîro Kîam Ngai. Nîûndû wa gwîtîkia nîwagîre na vinya na agîkumia Ngai.


Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?


Nwatî ethîrwa nîtukûnyamarua, nîtûnyamarua nîguo mûmîrîrue na mûvonokue. Na ethîrwa tûrî aûmîrîrie, wa namue mûrî aûmîrîrie. Ûndû ûyû nî ûmûtethagîrîria kwamûkîra mûkirîrîrîtie mînyamaaro wata îrîa wanatue tûmagîrîria.


Tue nîtûnyamaragua na njîra cionthe, nwatî tûtivootagwa. Vîndî îmwe twîthagîrwa tûkîthangania, nwatî tûtikucaga ngoro.


Vîndî îrîa twakinyire Makedonia, tûtianogoka. Kwarî na mathîna kûndû kuonthe, ngarari na andû arîa engî na tûkîgua guoya ngororî cietû.


Kwoguo tûrî na ûmîrîru nwa tuge atîrî, “Mwathani nîke ûndethagia, nie ndigeetigîra. Nî atîa mûndû wana ûrîkû angîmbîka?”


Nao andû a mûvîrîga wa Dani nîmaamwîrire atîrî, “Ndûkagwete ûndû wîngî nîûndû weka ûguo nîûkûrakaria andû aya na makûtharîkîre na maûrage andû onthe a mûciî waku.”


Nwatî Aisiraeli nîmeeyûmîrîrie na makîîvanga rîngî wa varîa meevangîte mbere nîguo makarûe.


Hana nîwegucaga ûrûrû mwîngî mûno ngororî yake, na nîwarîrire mûno na akîvoya kûrî Ngai-Mûnene.


Nake Jonathani mûvîcî wa Saûlo nîwathiîre kûrî Daudi kûu Horeshu na akîmûmîrîria atî Ngai nîakûmûgitîra.


Nake Samueli nîwaûririe Saûlo atîrî, “Ûranthînia nîkî na njîra ya gûtûma mbûke gûkû?” Nake Saûlo nîwacokirie atîrî, “Nie nînîrathînîka mûno, nîûndû Afilisiti nîmararûa nanie, na Ngai nîandiganîrîtie. Ke ndaranjokeria ûndû wanarî ûrîkû na njîra ya arathi kana ya iroto. Kwoguo nagwîta nîguo ûmbîre ûrîa mbagîrîrwe nî gwîka.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ