1Sam 30:14 - ÎVUKU RÎA ÛVORO MWARO

¹⁴ Nîtwatharîkîrîte vûrûri wa Akerethi ûrîa ûrî mwena wa îveti wa Juda, wana vûrûri wa mûvîrîga wa Kalebu, na tûkîvîvia Zikilagi na mwaki.”

1Sam 30:14 ပူးပေါင်းရင်းမြစ်များ

2Sam 8:18

Benaia mûvîcî wa Jehoiada nîke warî mûnene wa athigari arîa maarangagîra Daudi, nao avîcî a Daudi nîo maarî athînjîri-Ngai.

1Atha 1:38

Kwoguo Zadoku, Nathani, Benaia na ndungata cia mûthamaki nîmekarîrie Solomoni îgûrû rîa nyûmbû ya mûthamaki Daudi na makîmûvira Gihoni.

1Atha 1:44

Mûthamaki Daudi nîatûmire Zadoku, Nathani, Benaia na andû arîa mamûgitagîra mamumagarie. Nîmaamwîkarîrie îgûrû rîa nyûmbû ya mûthamaki,

1Maû 18:17

Benaia mûvîcî wa Jehoiada aarî mûnene wa Kerethi na Pelethi athigari arîa maarangagîra mûthamaki. Avîcî a Daudi maarî anene ûthamakirî wake.

Ezek 25:16

Kwoguo nie Ngai-Mûnene Ngai nîngaatambûrûkia njara yakwa îgûrû rîa Afilisiti na mbûrage andû onthe a Kerethi na nthirie andû arîa matûûraga rûtere rwa îria.

Zefania 2:5

Mue Afilisiti, kaî mûrî na thîna-î, mue mûtûûraga Kirete. Ngai-Mûnene nîamûtuîrîrîte ciira mue Akanaani na Afilisiti. Nîakaamûcûkangia, na gûtirî wanarî ûmwe wa cienyu ûgatigwa.

Josh 14:13

Joshua nîwarathimire Kalebu mûvîcî wa Jefune. Nîwacokire akîmûva îtûûra rîa Heburoni rîtuîke îgai rîake.

Josh 15:13

Ngai-Mûnene nîwathîte Joshua na akîmwîra akaagaîra Kalebu mûvîcî wa Jefune gîcunjî Kîam vûrûri wa Juda. Kwoguo Joshua nîwagaîrwe Kalebu Heburoni îtûûra rîa Ariba Îthe wa Anaki. Jefune îthe wa Kalebu aarî wa mûvîrîga wa Juda.

Josh 21:12

Nwatî mîgûnda ya îtûûra rîu wa vamwe na icagi cia rîo, ciaveetwe Kalebu mûvîcî wa Jefune ûrî wao.

1Sam 25:3

Mûndû ûcio eetagwa Nabali na mûka eetagwa Abigaeli. Abigaeli aarî mûthaka na mûûgî, nwatî mûthuuriwe aarî mûthunu na mûrakari na îvenya.

1Sam 30:1

Vuva wa mîthenya îthatû, Daudi marî na andû ake nîmaacokire Zikilagi. Nao Amaleki nîmaatharîkîrîte mwena wa îveti wa Juda na makavoota îtûûra rîa Zikilagi na nîmaarîvîvîtie

1Sam 30:13

Daudi nîwamûûririe atîrî, “Mwathi waku nû, na umîte kû?” Nake nîwacokirie atîrî, “Nie nîrî mwanake Mûmisiri na nîrî ndungata ya Mûamaleki. Mwathi wakwa aandigire ava mîthenya îthatû mîthiru narwara.

1Sam 30:15

Daudi nîwamûririe atîrî, “Nîûkûmvira kûrî gîkundi kîu?” Nake Mûmisiri nîwacokirie atîrî, “nîngûmûvira ethîrwa nîkûmbîrîra na rîîtwa rîa Ngai atî ndûkûmbûraga kana ûnenganîra kûrî mwathi wakwa.”

1Sam 30:16

Nake nîwavirire Daudi kûrîa gîkundi kîu Kîamrî. Nao athigari acio a Amaleki maanyagarûkîte kûu kuonthe, makîrîcaga, makînyunyaga na makinaga, nîûndû indo irîa maatavîte kuuma vûrûrirî wa Afilisiti na wa Juda ciarî nyîngî mûno.