1Sam 3:17 - ÎVUKU RÎA ÛVORO MWARO

¹⁷ Nake Eli nîwaûririe Samueli atîrî, “Ngai-Mûnene arakwîrire atîa? Mbîra maûndû monthe. Ngai nîagaakûverithia mûno ethîrwa tî ûmbîra maûndû monthe marîa arakwîrire.”

1Sam 3:17 ပူးပေါင်းရင်းမြစ်များ

2Sam 14:18

Mûthamaki nîwerire mûndûmûka ûcio atîrî, “Ndûkanthithe ûndû wanarî ûmwe ûrîa ngûkûria!” Mûndûmûka nîwerire mûthamaki atîrî, “Mbûria ûrîa wonthe ûrenda we mwathi wakwa.”

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

2Sam 3:35

Mûthenya wonthe andû nîmaaringîrîrie Daudi arîe irio, nwatî Daudi nîwevîtire na akiuga atîrî, “Ngai arombûraga ethîrwa nîngûrîa kîndû mbere ya gûtuke!”

2Sam 3:9

Ngai-Mûnene arombûraga ethîrwa tîmvingîria Daudi ûrîa Ngai-Mûnene aamwîrîîre na mwîvîtwa, atî nîakaaruta ûthamaki kuuma kûrî Saûlo na njiarwa ciake na atue Daudi mûthamaki wa Isiraeli na Juda, kuuma Dani îtûûra rîrîa rîrî mwena wa rûgûrû nginya Beerisheba îtûûra rîrîa rîrî mwena wa îveti.”

1Atha 22:16

Nwatî Ahabu nîwamwîrire atîrî, “Nîngwîra maita megana, atî vîndî îrîa ûkûmbîra ûndû na rîîtwa rîa Ngai-Mûnene nwanginya ûmbîrage ûvoro wa ma?”

2Atha 6:31

Mûthamaki nîwaugire atîrî, “Ngai-Mûnene arombûraga ethîrwa Elisha tîatinua kîongo ûmûnthî!”

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Jeremia 38:14

Mûthamaki Zedekia nîwacokire agîtûmanîra mûrathi Jeremia na akiuga avirwe macemanie nake mûrangorî wa kathatû wa hekarû ya Ngai-Mûnene. Nake mûthamaki nîwerire Jeremia atîrî, “Nîngûkûria kîûria na ndûkanthithe wanarî ûndû.”

Jeremia 42:4

Nake Jeremia nîwamacokerie atîrî, “Nîwaro nînegua; rîu nîngûvoya Ngai-Mûnene Ngai wenyu wata ûrîa mwambûria, na ûrîa wonthe akanjokeria nîngûmwîra, ndikamûthitha wanarî ûndû.”

Danieli 4:19

Rîrîa Danieli ûrîa wîtagwa Beliteshazaru eeguire ûguo, nîwamakire na agîtangîka mûno meciriarî make. Kwoguo mûthamaki nîwamwîrire atîrî, “Danieli, ndûkathînîke nîûndû wa kîroto, kana nîûndû wa ûrîa kiugîte.” Nwatî Beliteshazaru nîwamûcokerie atîrî, “Mwathi wakwa, kîroto gîkî na ûrîa kiugîte kîroethîrwa kîgiî arîa makûmenete na nthû ciaku.

Mika 2:7

Maûndû mau nîmagîrîrwe nî kûgwetwa kûrî andû a Isiraeli? Nîkwa Ngai-Mûnene aremetwe nî gûkirîrîria? Nwa eke maûndû ta mama? Kinthî ndaragîrîria andû arîa mekaga maûndû marîa magîrîre?

Ndari 23:17

Kwoguo Balaamu nîwacokire na akîthîrîria Balaki arûngamîte vakuvî na îtega rîake rîa kûvîvua marî na atongoria a Moabu. Balaki nîwaûririe ûrîa Ngai-Mûnene aaugîte.

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Ruthu 1:17

Kûrîa ûgaakuîra nîkuo ngaakuîra na nwakuo ngaathikwa. Ngai-Mûnene aromverithie kûngîkaagîa ûndû ûngîtûma tûtigane nawe tiga gîkuû.”

1Sam 14:44

Nake Saûlo nîwerire Jonathani atîrî, “Ngai arombûraga ethîrwe we tî ûkua!”

1Sam 20:13

Nwatî ethîrwa arî na mworoto wa gûgwîka ûûru, Ngai-Mûnene arombûraga ethîrwa nîngaarega gûkumbûrîra ûndû ûcio nîguo ûvonoke. Ngai-Mûnene aroîkara nawe wata ûrîa arekaraga na vava.

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”

1Sam 3:16

Nwatî Eli nîwetire Samueli na akiuga atîrî, “Samueli, mûûriû wakwa!” Nake Samueli agîcokia na akiuga atîrî, “Îî nie nîrî ava.”