1Sam 3:13 - ÎVUKU RÎA ÛVORO MWARO

¹³ Nie nîmbîrîte Eli atî, nîngaaverithia andû a mûciî wake tene na tene nîûndû wa mîtugo mîcûku ya kûnuma îrîa îthîrîtwe îrî na anake ake. Eli ke mwene nîwaicî atî avîcî ake nîmeekaga maûndû macûku, nwatî ndaamakaania.

1Sam 3:13 ပူးပေါင်းရင်းမြစ်များ

1Atha 1:6

Îthe Daudi ndaarî aananegenia mûvîcî nîûndû wanarî ûrîkû, na nîwendaga mûno gûtuîka mûthamaki. Adonija nama aarî mwanake mûthaka mûno na nîke warûmîrîrîte Abusalomu.

1Atha 2:44

Nîwîcî waro mavîtia monthe marîa wekire vava Daudi. Kwoguo Ngai-Mûnene nîagaakûverithia nîûndû wamo.

2Maû 20:12

Ûûi Ngai wetû, verithia andû aya nîûndû tue tûtirî na vinya wa kûrûa na athigari aya eengî ûguo maûkîte gûtûtharîkîra. Tûtiîcî nîtwîka atîa, nwatî we nîwe twetererete ûtûtethie.”

Nthi 19:18

Rûnga ciana ciaku itarî ngûrû, nwatî ndûkamaverithie ûndû ûngîmacûkangia.

Nthi 29:15

Kûverithua na gûkaanua nî gûtûmaga mûndû aûvîge, nwatî mwana ûrîa ûrekagîrîrua eke wa ûrîa akwenda nîaconorithagia ng'ina.

Mûvunjia 7:22

nîûndû wanawe nîwicî atî wanaruma andû engî maita meengî.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Ezek 7:3

“Mue andû a Isiraeli mûthiia nîûmûkinyîrîte; nîngwîtûrûra marakara makwa kûrî mue. Ngamûtuîra kûringana na mîtugo yenyu, na nîngamûverithia nîûndû wa maûndû menyu macûku.

Joeli 3:12

“Nwanginya mavûrûri mevarîrie; maûke Kîamndarî gîa îtuîro. Kûu nîkuo nie Ngai-Mûnene ngekara, kûu nîkuo ngekara ngîtuîra mavûrûri monthe ma nthî.

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Gûco 17:12

Mûndû wa wonthe ûkaaregana na îtua rîa mûthînjîri-Ngai ûrîa ûtungataga Ngai-Mûnene Ngai wenyu, kana rîa mûtongoria ûrîa ûrî wîrarî wa gûtwithania ciira, nîakaaûragwa. Ûguo nîguo mûkaathiria wîvia Isiraeli.

Gûco 21:18

“Ethîrwa mûndû arî na mwana mûmû kîongo na mûremi na ûtathîkagîra îthe kana ng'ina wana mamûverithia,

1Joh 3:20

Ethîrwa thamiri cietû nîitûtucagîra, nîtwîcî waro atî Ngai nî Mûnene gûkîra thamiri cietû na nîecî maûndû monthe.

1Sam 2:12

Nake Eli aarî na anake ake. Anake acio maarî aganu na matiavecaga Ngai-Mûnene gîtîîo,

1Sam 2:17

Kwoguo Ngai-Mûnene nîwonire atî, wîvia wa anake a Eli warî mûnene mûno, nîûndû matiavecaga iveo irîa ciarutagîrwa Ngai-Mûnene gîtîîo.