1Sam 29:3 - ÎVUKU RÎA ÛVORO MWARO

³ Rîrîa anene a athigari a Afilisiti maamoonire nîmaaûririe atîrî, “Ahibirania aya mareka atîa gûkû?” Nake Akishi nîwacokirie atîrî, “Ûyû nî Daudi, ndungata ya Saûlo mûthamaki wa Isiraeli. Mbîthîrîtwe nîrî nake kwa îvinda îraca. Kuuma rîrîa aaûkire kûrî nie, ndianamwona na îvîtia.”

1Sam 29:3 ပူးပေါင်းရင်းမြစ်များ

Kîam 14:13

Nwatî mûndû ûmwe nîwatorokire na akîthiî akîîra Aburamu ûcio Mûhibirania ûvoro ûcio wonthe. Aburamu aatûûraga vakuvî na mîtî îrîa mîamûre ya Mamure ûrîa Mûamori. Mamure maaciaranîrîtue na Eshikoli na Aneri na meethagîrwa marî ngwatanîro na Aburamu.

1Maû 12:19

Athigari amwe a mûvîrîga wa Manase nîmaaumire gîkundirî Kîamo na makîthiî kûrî Daudi. Meekire ûguo vîndî îrîa Daudi maathiîre na athigari a Afilisiti nîguo makarûe na Saûlo. Daudi na athigari ake matiatethia Afilisiti nîûndû rîrîa maranîrie, athigari a Afilisiti nîmeetigîre nîûndû meeciragia Daudi nwa amakunyanîre kûrî mwathi wake Saûlo. Kwoguo Daudi nîwerirwe acoke Zikilagi.

1Maû 12:20

Aya nîo athigari arîa maathiîre kûrî Daudi kuuma mûvîrîgarî wa Manase rîrîa aacokire Zikilagi: Adina, Jozabadi, Jediaeli, Mikaeli, Jozabadi, Elihu na Zilethai. Wa mûndû eethagîrwa arî mûnene wa athigari ngiri îmwe (1,000) mûvîrîgarî wa Manase.

Danieli 6:5

Nao nîmeeranire atîrî, “Tîtwona ûndû tûngîcuka Danieli naguo tiga nwa ûndû ûcio wîthîrîtwe wîgiî Ngai wake.”

Johana 19:6

Rîrîa anene a athînjîri-Ngai na arangîri a hekarû maamwonire, nîmaambîrîrie kugîrîria atîrî, “Mwambithie mûtharavarî! Mwambithie mûtharavarî!” Nake Pilato nîwamerire atîrî, “Mwoceni na mûthiî mûkamwambe mûtharavarî arî mue nîûndû nie ndirona îvîtia rîrîa mûndû ûyû ekîte.”

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

1Pet 3:16

Nwatî îkagani ûguo mûrî na ûvoreri na gîtîîo. Îthagîrwani mûrî na thamiri ntheru, nîguo andû arîa maragia ûndû mûcûku ûmwîgiî nîûndû nîmûrûmagîrîra Kristû, maconokage.

1Sam 14:11

Nao oîrî nîmeeyonithanirie kûrî Afilisiti, nao Afilisiti nîmaaugire atîrî, “Aia! Taroriani mwone Ahibirania amwe makiuma marimarî kûrîa marethithîte!”

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.

1Sam 27:1

Daudi nîweîrire na ngoro atîrî, “Mûthenya ûmwe Saûlo nîakambûraga. Kwoguo ûndû ûrîa mwaro makîria nîngîka nî kûra nthiî vûrûrirî wa Afilisiti. Vîndî îo Saûlo nîagaatiga kûnjaria kûu vûrûrirî wonthe wa Isiraeli, na ngethîrwa nîrî mûgitîre kuuma kûrî ke.”

1Sam 27:7

Daudi aatûûrire vûrûrirî wa Afilisiti îvinda rîa mwaka ûmwe na mîeri îna.

1Sam 29:6

Akishi nîwetire Daudi na akîmwîra atîrî, “Nie nevîta na Ngai-Mûnene ûrîa ûtûûraga mwoyo atî we nîwîthîrîtwe ûndungatîrîte na wîvokeku, na nîngîakena kethîrwa nî twathiî nawe mbaararî nîûndû ndirî nakwona na îvîtia wanarî rîmwe kuuma mûthenya ûrîa waûkire kûrî nie nginya ûmûnthî. Nwatî atongoria arîa engî matirakwenda.

1Sam 4:6

Nao Afilisiti megua ûrîa Aisiraeli maaugîrîrîtie, nîmaaugire atîrî, “Ta Thikîrîriani ûrîa înegene rîngîvîîte kûrîa Ahibirania matûûraga! Înegene rîu nîrîandûî?” Na rîrîa maamenyire atî îthandûkû rîa Kîrîkanîro rîa Ngai-Mûnene nîrîakinyîte kûrî Ahibirania,