1Sam 28:15 - ÎVUKU RÎA ÛVORO MWARO

¹⁵ Nake Samueli nîwaûririe Saûlo atîrî, “Ûranthînia nîkî na njîra ya gûtûma mbûke gûkû?” Nake Saûlo nîwacokirie atîrî, “Nie nînîrathînîka mûno, nîûndû Afilisiti nîmararûa nanie, na Ngai nîandiganîrîtie. Ke ndaranjokeria ûndû wanarî ûrîkû na njîra ya arathi kana ya iroto. Kwoguo nagwîta nîguo ûmbîre ûrîa mbagîrîrwe nî gwîka.”

1Sam 28:15 ပူးပေါင်းရင်းမြစ်များ

Thaburi 51:11

Ndûkamîngate nyume kûrî we; na ndûkarute roho waku mûtheru kûrî nie.

Nthi 14:14

Andû arîa acûku makaarîvwa na kîrîa kîmagîrîrîte. Nao andû arîa aro makaarîvwa kûringana na ciîko ciao.

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Atir 16:20

Nîwacokire akiugîrîria atîrî, “Samusoni! Afilisiti nîmaûkîte!” Samusoni nîwaramûkire na akîîra na ngoro atîrî, “Nînyuma nja na nîîrivarive wata ûrîa nekaga mîthenya îo îngî.” Ndaamenyaga atî Ngai-Mûnene nîwamûtigîte.

1Sam 18:12

Saûlo nîwetigagîra Daudi nîûndû Ngai-Mûnene aarî vamwe na Daudi, nwatî agatiganîria Saûlo.

1Sam 23:2

Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”

1Sam 23:4

Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”

1Sam 28:11

Nake mûndûmûka ûcio nîwaûririe Saûlo atîrî, “Ûrenda ngwîtîre û?” Nake Saûlo nîwacokirie atîrî, “Mbîtîra Samueli.”

1Sam 28:16

Nake Samueli nîwerire Saûlo atîrî, “Ûrambîta rîrîa Ngai-Mûnene agûtiganîrîtie na agatuîka nthû yaku nîkî?

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.

1Sam 28:8

Kwoguo Saûlo nîwegarûrire nîguo ndakamenyeke na nîwekîrire nguo ciîngî na makîthiî marî na andû engî aîrî kwona mûndûmûka ûcio ûtukû. Nake Saûlo nîwerire mûndûmûka ûcio atîrî, “Ta ragûra na njîra ya roho na ûndetere mûndû ûrîa ngûgweta.”

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.