1Sam 28:11 - ÎVUKU RÎA ÛVORO MWARO

¹¹ Nake mûndûmûka ûcio nîwaûririe Saûlo atîrî, “Ûrenda ngwîtîre û?” Nake Saûlo nîwacokirie atîrî, “Mbîtîra Samueli.”

1Sam 28:11 ပူးပေါင်းရင်းမြစ်များ

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Gûco 18:11

kana mûrogi, kana mûndû ûrîa waragia na maroho ma andû arîa akuû.

1Sam 28:10

Nake Saûlo nîwevîtire na akîîra mûndûmûka ûcio atîrî, “Nie nînîîvîta na Ngai-Mûnene ûrîa ûtûûraga mwoyo atî, we ndûkaaverithua nîûndû wa gwîka ûguo.”

1Sam 28:12

Rîrîa mûndûmûka ûcio oonire Samueli, nîwaririe na mûgambo mûnene na akîûria Saûlo atîrî, “Wamveenia nîkî? We nîwe Saûlo!”

1Sam 28:15

Nake Samueli nîwaûririe Saûlo atîrî, “Ûranthînia nîkî na njîra ya gûtûma mbûke gûkû?” Nake Saûlo nîwacokirie atîrî, “Nie nînîrathînîka mûno, nîûndû Afilisiti nîmararûa nanie, na Ngai nîandiganîrîtie. Ke ndaranjokeria ûndû wanarî ûrîkû na njîra ya arathi kana ya iroto. Kwoguo nagwîta nîguo ûmbîre ûrîa mbagîrîrwe nî gwîka.”