1Sam 28:1 - ÎVUKU RÎA ÛVORO MWARO

¹ Vuva wa ûguo, Afilisiti nîmaaûnganirie athigari ao a mbaara nîguo makarûe na Aisiraeli. Nake Akishi nîwerire Daudi atîrî, “We nîwicî waro atî, we mûrî na andû aku nîmûrûa mûrî mwena wakwa.”

1Sam 28:1 ပူးပေါင်းရင်းမြစ်များ

1Sam 13:5

Nao Afilisiti nîmaacokanîrîre vamwe na makîîvarîria nîguo marûe na Aisiraeli; o maarî na ngari ngiri mîrongo îthatû cia mbaara, arûme ngiri ithathatû arîa mathiîcaga matûîte mbarathi, na athigari eengî meengîvîte ta mûthanga ûrîa wîthagîrwa ûrî rûtererî rwa îria. O nîmaaunûkirie na makîamba magema mao mwena wa îrathîro wa Bethiaveni, kûu Mikimashi.

1Sam 17:1

Afilisiti nîmaaûnganirie mbûtû ciao cia mbaara kûu Soko nîguo makarûe. Soko rîarî îtûûra rîmwe rîa Juda. Maambire magema mao vandû vetagwa Efesi-damimu. Efesi-damimu îrî gatagatî ka Soko na Azeka.

1Sam 27:12

Nwatî Akishi nîwetîkirie Daudi na akîîra na ngoro atî, Daudi nîwathûrîtwe mûno nî andû ake a Isiraeli, na kwoguo nîatûûra andungatagîra vîndî cionthe.

1Sam 31:1

Afilisiti nîmaarûîre na Aisiraeli Kîrîmarî Kîam Giliboa. Andû eengî mûno a Isiraeli nîmaaûragîrwe kuo. Nao andû acio engî wa vamwe na mûthamaki Saûlo na anake ake nîmaaûrire.

1Sam 7:7

Na rîrîa Afilisiti megwire atî andû a Isiraeli nîmaacemanîtie kûu Mizipa, athamaki acio atano a Filisiti nîmaathiîre marî na mbûtû yao ya mbaara nîguo makarûe na Aisiraeli. Rîrîa Aisiraeli meegwire ûguo, nîmeetigîre.