1Sam 26:25 - ÎVUKU RÎA ÛVORO MWARO

²⁵ Nake Saûlo nîwerire Daudi atîrî, “Ngai-Mûnene arokûrathima mûvîcîwa. Ûrovootanaga maûndûrî monthe marîa ûgekaga!” Kwoguo Daudi nîwethiîrîre, nake Saûlo agîcoka gwake mûciî.

1Sam 26:25 ပူးပေါင်းရင်းမြစ်များ

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Nthi 26:25

Rîrîa mvinga îkwaria waro, ndûkamîtîkie, nîûndû îthagîrwa îcûrîtwe nî ûvinga ngororî yayo.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Hosea 12:4

Nîwagianire na mûraika na akîmûvoota, nîwamûkaîre na akîmûthaitha amûrathime. Arî Betheli nîwacemanirie na Ngai, na arî kûu Ngai nîwaranîrie nake.

Aroma 8:35

Nî ndûî kîngîtûtigithania na wendani wa Kristû? Nî mathîna, kana kîeva, kana mînyamaaro, kana yûra, kana ûthîni, kana ûgwati wana kana kûûragwa?

Aroma 8:37

Nwatî maûndûrî mama monthe, tue nîtûvootanîte na njîra ya ûcio watwendire.

1Sam 24:19

Nî mûndû ûrîkû ûngînyita nthû yake na akamîrekereria îthiî atamîkîte ûûru? Ngai-Mûnene arokûrathima nîûndû wa ûguo wambîka ûmûnthî.

1Sam 24:20

Rîu nînamenya na ma nîûgaatuîka mûthamaki wa Isiraeli na atî ûthamaki nîûkevanda ûtongoretue nîwe.

1Sam 24:22

Nake Daudi nîwerîre Saûlo atî nîageka ûguo. Saûlo nîwacokire mûciî, nake Daudi na andû ake magîcoka kûrîa meethithîte.