1Sam 26:21 - ÎVUKU RÎA ÛVORO MWARO

²¹ Nake Saûlo nîwacokirie atîrî, “Nie nîmvîtîtie. Coka Daudi mwana wakwa! Ndigaacoka gûgwîka ûûru rîngî, nîûndû nîwamvonokia ûmûnthî. Nie nîrekariî ta kîrimû, na nîmbîkîte ûndû mûcûku mûno.”

1Sam 26:21 ပူးပေါင်းရင်းမြစ်များ

2Atha 1:13

Wa rîngî mûthamaki nîwatûmire mûnene wa kathatû wa athigari mîrongo îtano na athigari ake. Mûnene ûcio nîwaunûkirie kîrîmarî akîthiî kûrî Elija, agîturia maru mbere yake na akîmûthaitha akîmwîra atîrî, “Mûndû wa Ngai, nakûthaitha ûmbîguîre ntha vamwe na athigari akwa na ndûgatûûrage!

2Atha 1:14

Anene acio engî oîrî vamwe na athigari ao nîmaacûkangirue nî mwaki kuuma îgûrû; nwatî nakûthaitha ûmbîguîre ntha!”

Thaburi 116:15

Gîkuû Kîam andû a Ngai-Mûnene, nî ûndû ûrî vata mbere yake.

Thaburi 49:8

nîûndû îrîvi rîa ûtûûro wa mûndû nî rînene mûno. Kîrîa angîrîva gîtingîgana,

Thaburi 72:14

Nîamavonokagia kuuma kûrî arîa mamavinyagîrîria na arîa aganu, nîûndû ûtûûro wao ûrî vata mbere yake.

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Ndari 22:34

Balaamu nîwacokire akîra mûraika ûcio wa Ngai-Mûnene atîrî, “Nînjîvîtie, Ndiraicî atî ûrûngamîte njîrarî ûmvingîrîrie ndikavîtûke. Kwoguo ethîrwa ndûrona kwagîrîrîte nthiî na mbere na rûgendo rûrû, nîngûcoka mûciî.”

Mathaayo 27:4

“Nie nînjîvîtie nîûndû wa gûcukanîrîra mûndû ûtevîtie nîguo aûragwe.” Nao nîmaamûcokerie atîrî, “Tue tûtiramaka nî ûguo, ûcio nî thîna waku.”

1Sam 13:13

Nake Samueli nîwerire Saûlo atîrî, “Ûcio nî ûrimû wîkire, we ndûnathîkîra rîathani rîrîa Ngai-Mûnene, Ngai waku aakwathire wathîkagîre. Kethîrwa we nîwathîkire, Ngai-Mûnene nîangîatûma we mûrî na andû a mûciî waku mûtuîke athamaki a andû a Isiraeli tene na tene.

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 15:30

Saûlo nîwacokirie na akiuga atîrî, “Nie nînjîvîtie, nwatî mva gîtîîo mbere ya atongoria a andû akwa a Isiraeli. Tûcoke nawe nîguo ngagooce Ngai-Mûnene, Ngai waku.”

1Sam 18:30

Na rîrîa rîonthe athigari a Afilisiti mangîaûkire kûrûa, Daudi nîke wavootanaga gûkîra athigari onthe a Saûlo. Kwoguo Daudi nîwamenyekanire mûno.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 26:22

Nake Daudi nîwacokirie atîrî, “Mwathi wakwa, îtumû rîaku nîrîo rîrî. Tûma ûmwe wa anake aku aûke arîoce.

1Sam 26:24

Wata ûrîa nie nakûvonokia ûmûnthî, Ngai-Mûnene arombîka wata ûguo na andute mathînarî monthe!”

1Sam 27:4

Rîrîa Saûlo eerirwe atî Daudi nîwaûrîte akathiî Gathu, nîwatigire kûmûcaria rîngî.