1Sam 26:17 - ÎVUKU RÎA ÛVORO MWARO

¹⁷ Saûlo nîwamenyire mûgambo wa Daudi na nîwaûririe atîrî, “Daudi mûvîcîwa, nîwe?” Nake Daudi nîwacokirie atîrî, “Îî nînie mwathi wakwa mûthamaki.”

1Sam 26:17 ပူးပေါင်းရင်းမြစ်များ

Kîam 37:33

Jakovu nîwaroririe nguo îo na akîmîmenya. Nîwaugîrîrie atîrî, “Nguo îno nî îrîa ya mûvîcîwa! Nîararîrwe nî nyamû ya kîthaka. Mûvîcîwa Josefu nîmûtembûrange nî nyamû viû!”

1Sam 24:16

Rîrîa Daudi aarîkirie kwîra Saûlo ûguo, Saûlo nîwaugire atîrî, “Mûgambo ûcio nî waku mûvîcîwa Daudi?” Nake Saûlo nîwambîrîrie kûrîra.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 24:8

Vuvarî Daudi wanake nîwaumire ngurungarî na agîîta Saûlo, “Mwathi wakwa mûthamaki!” Saûlo nîwevûgûrire, nake Daudi nîwenamîrîre na agîturumithia ûthiû wake nthî na wînyivia