1Sam 26:11 - ÎVUKU RÎA ÛVORO MWARO

¹¹ Ngai-Mûnene nîangirîtie ndigeke mûndû ûrîa atuîte mûthamaki ûûru! Tigani tûoce îtumû rîîrî rîrî vakuvî na kîongo gîake na mûcuva wake wa manjî tûkînathiî.”

1Sam 26:11 ပူးပေါင်းရင်းမြစ်များ

2Sam 1:14

Daudi nîwamûûririe atîrî, “Wavotire kûûraga mûthamaki ûrîa Ngai-Mûnene athuurîte atîa?”

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

2Sam 19:22

Nwatî Daudi nîwerire Abishai na mûrwang'ina Joabu atîrî, “Nî ûrîkû ûmûûririe woni wenyu? Mûrenda kûnthînia nîkî? Nînie mûthamaki wa Isiraeli, na gûtirî Mûisiraeli wanarî ûmwe ûkûûragwa ûmûnthî.”

Thaburi 17:4

Ndiîkaga maûndû macûku ta andû arîa engî, nî mvingagia mawatho maku na ndinyitanagîra na andû arîa aganu.

Aroma 12:17

Mûndû angîgwîka naaî, ndûkamwîke naaî. Nwatî geragia gwîka andû onthe maûndû marîa maro.

Aroma 12:19

Arata akwa, mûtikerîvîrie, nwatî tigani Ngai amûrîvagîrîrie na marakara make. Nîûndû mandîkorî matheru kwandîkîtwe atîrî, “‘Kwîrîvîrîria nî gwakwa, nînie ngeerîvîrîria,’ ûguo nîguo Mwathani augîte.”

1Pet 3:9

Mwekwa naaî tigagani kwîrîvîrîria na naaî. Mwarumwa tigagani kwîrîvîrîria na irumi. Vandû va ûguo rathimanagani, nîûndû kîrathimo nîkîo Ngai aamwîrîîre rîrîa aamwîtire.

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”

1Sam 24:12

Ngai-Mûnene arotûtuîra we nanie onanie ûrîa wîvîtie! Ngai-Mûnene arokûverithia nîûndû wa ûrîa ûrambîka, nwatî nie ndingîgwîka ûndû mûcûku wanarî vanini.

1Sam 24:4

Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 24:6

Nake nîwerire andû ake atîrî, “Ngai-Mûnene arongiria nîguo ndigeeka mwathi wakwa ûndû mûcûku, nîûndû nî Ngai-Mûnene ûmûthuurîte atuîke mûthamaki! Ndiagîrîrwe nî kûmwîka ûndû mûcûku, nîûndû ke nîke mûthamaki ûrîa Ngai-Mûnene amûrîte!”