1Sam 25:7 - ÎVUKU RÎA ÛVORO MWARO

⁷ Nîeguîte atî nîûrenjaga ng'ondu ciaku guoya na nîarenda ûmenye atî tûrarî na arîthi aku a tûtiameka ûûru. Gûtirî kîndû wanarî kîmwe maanatura îvinda rîu rîonthe maarî Karimeli.

1Sam 25:7 ပူးပေါင်းရင်းမြစ်များ

2Sam 13:23

Vuva wa mîaka îîrî, Abusalomu nîwenjaga ng'ondu ciake guoya kûu Baali-hazoru, na nîwetire anake a mûthamaki nîguo methîrwe marî vo. Baali-hazoru yarî vakuvî na îtûûra rîa Efiraimu.

2Sam 13:24

Abusalomu nîwathiîre kûrî Mûthamaki Daudi na akîmwîra atîrî, “Mwathi wakwa mûthamaki nînîrenjithia ng'ondu ciakwa guoya. Nakûthaitha ûûke mûrî na ndungata ciaku nîguo tûnyitanîre.”

Luka 3:14

Nao athigari amwe nîmaacokire makîmûria atîrî, “Rîu natue-rî nîtwîka atîa?” Johana nîwamacokerie atîrî, “Tigagani gûcuuna mûndû wana ûmwe mbeca ciake na vinya kana mwigîrîre mûndû kîng'enyo. Îganagwani nî mûcara wenyu.”

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Afil 4:8

Ngîrîkîrîria Ariû na aarî a îthe wetû, îcirieni ûvoro wîgiî maûndû marîa maro na mangîgathîrîrua: maûndû marîa ma ma, matîîku, ma kîvooto, matheru, ma kwendeka na ma ûvoreri.

1Sam 22:2

Na andû onthe arîa maarî avinyîrîrie kana maarî na thirî kana meegucaga mateganîrîte, nîmaathiîre kûrî ke. Nao onthe maarî andû ta magana mana (400). Nake Daudi nîwatuîkire mûtongoria wao.

1Sam 25:21

Daudi nîweciragia atîrî, “Nie naarutire wîra wa mana ngîgitîra indo cia mûndû ûcio kûu werûrî na gûtirî kîndû wanarî kîmwe Kîam indo ciake cionthe Kîamûrire na rîu, wega ûrîa wonthe nîramwîkîte andîvîte na ûûru!