1Sam 25:39 - ÎVUKU RÎA ÛVORO MWARO

³⁹ Rîrîa Daudi eegwire atî Nabali aarî mûkuû, ke nîwaugire atîrî, “Ngai-Mûnene arogoocwa wa ke ûrîa ûndîvîrîrîtie kûrî Nabali nîûndû wa ûûru wake. Nîangirîtie nie ndungata yake ndigeke ûndû mûcûku” Daudi nîwacokire agîtûma andû mathiî makeere Abigaeli atî nîakwenda kûmûvikia.

1Sam 25:39 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

1Atha 2:44

Nîwîcî waro mavîtia monthe marîa wekire vava Daudi. Kwoguo Ngai-Mûnene nîagaakûverithia nîûndû wamo.

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Thaburi 7:16

Macokagwa nî maûndû mao marîa macûku, na makaverithua nî waganu wao o ene.

Thaburi 9:5

We nîûkaanîtie andû a ndûrîrî, nîûcûkangîtie andû arîa aganu, na nîûtûmîte marîîtwa mao mariganîre tene na tene.

Nthi 18:22

Mûndû agîte na mûka nîagîcaga na kîndû Kîamro; na Ngai-Mûnene nîakenagua nîke.

Nthi 19:14

Mûndû nwa agae indo na nyomba kuuma kûrî aciari, nwatî mûndûmûka mûûgî avecanagwa nî Ngai-Mûnene.

Nthi 22:23

nîûndû Ngai-Mûnene nîakaamacirîrîra, na nîagaacuna arîa macunaga athîni na amacune wana mîoyo yao.

Nthi 31:10

Mûndûmûka mwaro angiuma kû, arî goro gûkîra mathaga.

Nthi 31:30

Ûgemu nîûveenanagia, na ûthaka nîûthiraga, nwatî mûndûmûka wîtigîrîte Ngai-Mûnene nîakumagua.

Rwîmbo rwa Nyîmbo 8:8

Tûrî na mwarwaiya mûnini, na tî mumiu nyondo. Tûkaamwîka atîa rîrîa akagîa na mûnyanya?

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.

2Akor 13:7

Nwatî tûvoyaga Ngai mûtikevie. Tue tûtivoyaga ûguo nîguo twonanie atî nîtwîkîte waro, nwatî nîguo mwîke ûrîa kwagîrîrîte wana ethîrwa twonagwa tûrî agwîu.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

2Tim 4:18

Nake Mwathani nîakûndethûra maûndûrî monthe macûku na amvire Ûthamakirî wa îgûrû amenyererete. Mwathani arokumua tene na tene! Ameni.

Atir 5:2

Ngai-Mûnene arokumua! Aisiraeli maarî erutîru kûrûa; Andû nîmeerutîre makenete.

1Sam 24:15

Ngai-Mûnene arotuîka mûtuui cira gatagatî gakwa nawe. Nîke ûkaambarîrîria na amvonokie kuuma kûrî we.”

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.

1Sam 25:32

Nake Daudi nîwerire Abigaeli atîrî, “Ngai-Mûnene, Ngai wa Isiraeli arogoocwa, wa ke ûgûtûmire kûrî nie ûmûnthî!

1Sam 25:34

Ngai-Mûnene nîangiririe ndigakûgere ngero. Nwatî nîrevîta na Ngai wa Isiraeli ûrîa ûtûûraga mwoyo atî, kethîrwa ndûnaûkanga kûrî nie arûme onthe a Nabali mangîkethîrwa marî akuû rûyû kîraûko!”

1Sam 25:40

Rîrîa ndungata cia Daudi ciakinyire kûrî Abigaeli kûu Karimeli, nîciamwîrire atîrî, “Daudi atûtûma tûthiî nawe ûgatuîke mûka wake.”

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.