1Sam 25:36 - ÎVUKU RÎA ÛVORO MWARO

³⁶ Abigaeli nîwacokire mûciî kûrî Nabali na nîwamwîthîre arî na kîrugo ta Kîam mûthamaki. Nabali aarî mûrîu wa ndivei mûno na arî mûkenu. Kwoguo Abigaeli ndaamwîra wanarî ûndû nginya kîraûko kîu kîngî.

1Sam 25:36 ပူးပေါင်းရင်းမြစ်များ

2Sam 13:23

Vuva wa mîaka îîrî, Abusalomu nîwenjaga ng'ondu ciake guoya kûu Baali-hazoru, na nîwetire anake a mûthamaki nîguo methîrwe marî vo. Baali-hazoru yarî vakuvî na îtûûra rîa Efiraimu.

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

2Sam 3:20

Rîrîa Abineri aakinyire kwî Daudi kûu Heburoni arî na andû mîrongo îîrî, Daudi nîwamarugithîrie kîrugo.

1Atha 20:16

Mûthamaki Ahabu na athigari ake maambîrîîrie kûtharîkîra thaa thita cia mûthenya. Vîndî îo Benihadadi na athamaki arîa aarî nao mîrongo îthatû na aîrî (32) maarî magemarî mao makînyua ndivei.

Thaburi 112:5

Kûrathimwa nî mûndû ûrîa akombithanagia indo ciake na ûtaana, ûrîa wîkaga maûndû make na njîra ya kîvooto.

Nthi 20:1

Ndivei îretage înegene na njovi ndûrû îretage ngucanio, na mûndû ûrîa ûinyunyaga nî kîrimû.

Mûvunjia 10:19

Irio nîitûmaga mûndû agîe na gîkeno, ndivei îgacanjamûra mûndû ûtûûrorî, na mbeca nîcio itûmaga maûndû mau mekîke.

Isaia 28:3

Nthûmbî ya mwîtîîo wa mîrîu îo ya Efiraimu nîgaakinyangîrwa nthî.

Isaia 5:11

Kaî marî na thîna-î! Arîa maramûkaga kîraûko tene, nîguo mathiî makanyue ndivei; arîa matukagîrwa makînyua ndivei, nginya rîrîa makaarîwa nîyo.

Jeremia 51:57

Nîngûtûma anene na andû arîa aûgî akuo marîwe nî njovi; wa vamwe na athani athigari a mbaara na atongoria ao, onthe makamama toro matagaûkîra tene na tene. Ûguo nîguo nie Mûthamaki ûrîa wîtagwa Ngai-Mûnene mwene vinya wonthe nauga.”

Hosea 4:11

Ndivei ngûrû na njerû nîithengutagia ûmenyo.

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Luka 14:12

Jesû nîwacokire akîra mûndû ûrîa wamwîtîrîte kîrugo atîrî, “Rîrîa wavarîria kîrugo tigaga gwîtîra arata aku kana aa mûrwanyûkwe kana andû a mûciî wenyu kana itonga irîa mûriganîtie nacio, atî nîûndû wa nao nîmagaagwîtîra kîrugo mûthenya ûmwe na kwoguo makûrîve nîûndû wa kûmetîra kîrugo gîaku.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Aroma 13:13

Nîtwîthagîrwe tûrî na mîtugo mîaro ta andû arîa mathiîcagîra ûtherirî. Tûtikethagîrwe tûrî marugarî marîa mekagwa waganu wa ûrîu, kana ciîkorî cia ûûra nthoni, ûtharia, mbaara, kana wîru.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Aefeso 5:18

Tigagani kûrîwa nî ndivei nîûndû ûrîu nîkwa ûkûmwananga, vandû va ûguo îcûragwani nî Roho.

1Sam 25:19

Nîwacokire akîra ndungata ciake atîrî, “Thiîcagani mbere, nîngûka nîrî vuva yenyu.” Nwatî ndaamenyithia mûthuuriwe Nabali ûvoro ûcio.

1Sam 25:37

Kîraûko, Nabali arî mûrîcûke, mûka Abigaeli nîwamwîrire maûndû monthe. Nayo ngoro ya Nabali nîyambîrîrie kûvinyûra nacio ciîga cia mwîrî wake igîkua.