1Sam 25:29 - ÎVUKU RÎA ÛVORO MWARO

²⁹ Mûndû wa wonthe agaakûtharîkîra na agerie gûkûraga, Ngai-Mûnene nîagaakûgitîra wata ûrîa mûndû agitagîra mûthithû wake wa goro. Nacio nthû ciaku nîagaacikia wata ûrîa mûndû aikagia mathiga na gîkûtha.

1Sam 25:29 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

2Sam 4:8

Nîmaavirire kîongo kîu Kîam Ishiboshethu kûrî mûthamaki Daudi kûu Heburoni na makîmwîra atîrî, “Gîkî nîkîo kîongo Kîam Ishiboshethu mûvîcî wa nthû yaku îrîa îtagwa Saûlo, îrîa yendaga gûkûûraga. Ûmûnthî Ngai-Mûnene nîagwîtîkîrîtie we mwathi wetû wîrîvîrie kûrî Saûlo na njiarwa ciake.”

Ayubu 27:22

Ageragia na njîra wa yonthe gwîtethûra kûrî ruo, nwatî rûmûvurutaga rûtarî na ntha.

Thaburi 116:15

Gîkuû Kîam andû a Ngai-Mûnene, nî ûndû ûrî vata mbere yake.

Thaburi 54:3

Andû arîa etîi nîmarantharîkîra, andû arîa aganu nîmarenda kûmbûraga, andû arîa matarûmbûyanagia na ûvoro wa Ngai.

Thaburi 66:9

Ke nîatwigîte tûrî mwoyo na ndaatûrekereria tûvootwe.

Jeremia 10:18

Nîûndû Ngai-Mûnene arauga atîrî, “Taroria, nîngûmwikia nja ya vûrûri ûyû, nîngamaretithîria mathîna meengî mûno.”

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Johana 17:23

Nie ngethagîrwa nîrî ndaarî yao, nawe ûkethagîrwa ûrî ndaarî yakwa nîguo matuîke kîndû kîmwe viû. Nao andû a gûkû nthî magaacoka mamenye atî we nîwe wandûmire na atî we nîûmendete wata ûrîa ûmendete.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

1Sam 2:9

“Ngai-Mûnene nîke ûgitagîra andû ake arîa mamwîvokete, nwatî andû arîa aganu maûragîra ndumarî. Nîûndû mûndû ndavootanaga na njîra ya vinya wake ke mwene.