1Sam 25:28 - ÎVUKU RÎA ÛVORO MWARO

²⁸ Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.

1Sam 25:28 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

2Sam 7:11

Kuuma rîrîa nathuurîre andû akwa a Isiraeli atongoria na magîtonya vûrûrirî ûyû, matûîre matharîkagîrwa nî nthû, nwatî ûndû ûyû ndûgeekîka rîngî. Nîrakwîrîra atî, nîngaakûgitagîra kuuma kûrî nthû ciaku cionthe na ngûve njiarwa.

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

2Sam 7:27

Ngai-Mûnene mwene vinya wonthe, Ngai wa Isiraeli! Ndingîtigîra ngîkûvoya îvoya rîîrî, nîûndû nîûnguûrîrîtie maûndû mama monthe nie ndungata yaku, na nîûmbîrîte atî nîûgaatûma njiarwa ciakwa ituîke athamaki.

1Atha 15:3

Nîwekire mevia monthe ta marîa meekagwa nî îthe, na ndaarûmîrîra Ngai-Mûnene, Ngai wake na ngoro yonthe ta ûrîa îthe Daudi, îthe eekaga.

1Atha 15:5

Ngai-Mûnene eekire ûguo nîûndû Daudi eekaga maûndû marîa maakenagia Ngai-Mûnene na ûtûûrorî wake wonthe ndaanarega kwathîkîra mawatho marîa aamwathîte, tiga ûvoro wîgiî Uria, ûrîa Mûhiti.

1Atha 9:5

nîngaatûma gîtî gîaku Kîam ûthamaki kîîvande kûu Isiraeli tene na tene ta ûrîa nerîre aguo Daudi rîrîa naamwîrire atî, ‘gûtigaatura mûndû kuuma nyomba yaku wa gwîkarîra gîtî Kîam ûthamaki wa Isiraeli.’

1Maû 17:10

Kuuma kavinda karîa naathuurire atirîrîri vûrûri a gûtongoria andû akwa a Isiraeli nîneranîre nîngavoota nthû cienyu cionthe na nîngaava njiarwa cienyu kûndû gwa gûtûûra.

1Maû 17:25

Ngai wakwa, nîûmenyithîtie nie ndungata yaku atî nîûgaatûma andû a nyomba yakwa matuîke athamaki. Kwoguo nîrî na ûmîrîru wa gûkûvoya nîrî mbere yaku.

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

Thaburi 7:3

Ûûi Ngai-Mûnene, Ngai wakwa, ethîrwa mvîtîrîtie mûndû, ethîrwa njukanîrîrîte mûrata,

Thaburi 89:29

Nîngaatûma njiarwa ciake itûûre ciathanaga tene na tene, na ûthamaki wake ndûkaathira.

Ndari 23:21

Gûtirî ûndû mûcûku Ngai-Mûnene onete kûrî andû a Jakovu. Gûtirî îvîtia onete kûrî andû a Isiraeli. Ngai-Mûnene, Ngai wao arî vamwe nao, maugaga atî nîke mûthamaki wao.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Luka 23:41

Tue tûtuîrîrîtwe îvera rîringanîte na ciîko irîa twîkîte. Nwatî mûndû ûyû tî mwîku ûndû wana ûmwe mûcûku.”

Luka 23:47

Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.

1Sam 17:47

Nao andû aya onthe marî ava nîmakûmenya atî Ngai-Mûnene ndavonokanagia na rûviû rwa njûra na îtumû. Ke nîke ûvootanaga mbaararî na nîke ûgûtûma tûmûvoote mue muonthe.”

1Sam 18:17

Saûlo nîwacokire akîîra Daudi atîrî, “Merabu mwarîwa ûrîa mûkûrû nîke ûyû, Nîngûkûva ke atuîke mûka waku ethîrwa nîûkûndungatîra ta mûthigari mûmîrîru na mwîvokeku na ûrûage mbaara cia Ngai-Mûnene.” (Nîûndû Saûlo eeciragia atî na njîra îno Afilisiti nîmakûûraga Daudi vandû va Saûlo ke mwene aûrage Daudi.)

1Sam 2:35

Na nie nîngethuurîra mûthînjîri-Ngai ûrîa ûkethagîrwa arî mwîvokeku kûrî nie. Ke nîke ûgeekaga maûndû monthe marîa ngaamwîraga kuuma ngororî yakwa wana meciriarî makwa. Nie nîngaatûma agîe na njiarwa, na vingo cionthe nîigaatungatagîra mûthamaki ûrîa nie nthuurîte.

1Sam 22:14

Ahimeleku nîwacokerie mûthamaki atîrî, “Daudi nîke ndungata îrîa îîvokekete mûno gatagatîrî ka ndungata ciaku cionthe! Ke nî mûthoniguo, nîke mûnene wa athigari arîa makûrangagîra na nîatîîtwe mûno nî andû onthe a nyomba yaku.

1Sam 24:11

Taroria, vava, taroria wone gîcûrî Kîam nguo yaku îrîa ndaca gîkî nyitîte! Nîngîkûragire, nwatî vandû va gwîka ûguo nie nîndinirie gîcûrî gîkî Kîam nguo yaku. Kwoguo menya atî nie ndirî na meciria ma kûregana nawe kana ma gûgwîka ûûru. Ndirî mûkûvîtîriu wana ethîrwa nîûrenda kûmbûraga.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!

1Sam 24:21

Nwatî îîvîte na rîîtwa rîa Ngai-Mûnene atî nîûkaavonokia njiarwa ciakwa nîguo rîîtwa rîakwa na rîa mûciî wetû rîtikariganîre viû.”

1Sam 24:4

Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 25:24

nîwaturumithirie ûthiû wake nthî akîmwîra atîrî, “Nîrakûthaitha mwathi wakwa, ûnthikîrîrie! Tiga ûûru ûcio ûnjokerere.

1Sam 29:3

Rîrîa anene a athigari a Afilisiti maamoonire nîmaaûririe atîrî, “Ahibirania aya mareka atîa gûkû?” Nake Akishi nîwacokirie atîrî, “Ûyû nî Daudi, ndungata ya Saûlo mûthamaki wa Isiraeli. Mbîthîrîtwe nîrî nake kwa îvinda îraca. Kuuma rîrîa aaûkire kûrî nie, ndianamwona na îvîtia.”

1Sam 30:26

Rîrîa Daudi aacokire Zikilagi, nîwavecanire indo imwe cia irîa ciatavîtwe kûrî arata ake arîa maarî atongoria a Juda, na akîmeera atîrî, “Gîkî nîkîo kîveo kîenyu kîrîa kiumîte kûrî indo irîa itavîtwe kuuma kûrî nthû cia Ngai-Mûnene.”