1Sam 25:10 - ÎVUKU RÎA ÛVORO MWARO

¹⁰ Nake Nabali nîwacokerie anake acio a Daudi atîrî, “Daudi nî ûrîkû? Mûvîcî wa Jesii nî ûrîkû? Kûrî na ngombo nyîngî mûno vûrûrirî iratoroka ikauma kûrî anene a cio!

1Sam 25:10 ပူးပေါင်းရင်းမြစ်များ

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Mûvunjia 7:10

Ndûkaûrie atîrî, “Nîkwa tene kwarî kwaro gûkîra rîu nîkî?” Ûraûria ûguo ûtagûtûmîra ûûgî.

Isaia 32:5

Mûndû ûrîa kîrimû ndakagîa na îgweta, kana kîmaramari kîgathîrîrue.

Isaia 32:7

Mîthiîre ya mûndû ûrîa mûthunu nî mîcûku; avangaga maûndû ma waganu nîguo acûkangie athîni na ciugo ciake cia maveeni, wana rîrîa athîni maretia kîrîa kîmagîrîrîte.

Atir 9:28

Gaali, mûvîcî wa Ebedi nîwaugire atîrî, “Rîu tue andû a Shekemu nîkwa tûrî a? Nake Abimeleki nîkwa arî ûrîkû atî nîguo tûmûtungatagîre? Kinthî tîke mûvîcî wa Gideoni, ûrîa ûtuîte Zebuli mûnene wa andû a Hamori ûrîa warî îthe wa Shekemu?

1Sam 20:30

Nake Saûlo nîwarakarîre Jonathani na akîmwîra atîrî, “We ûrî mwana wa mûndûmûka mûremi! Nîmenyete atî nîmûnyitanîte na Daudi nîguo agûconorithie na aconorithie nyûkwe!

1Sam 22:2

Na andû onthe arîa maarî avinyîrîrie kana maarî na thirî kana meegucaga mateganîrîte, nîmaathiîre kûrî ke. Nao onthe maarî andû ta magana mana (400). Nake Daudi nîwatuîkire mûtongoria wao.

1Sam 25:9

Anake a Daudi maavecanire ndûmîrîri îo kûrî Nabali vandûrî va Daudi, nîmaacokire magîeterera wa vau.