1Sam 23:4 - ÎVUKU RÎA ÛVORO MWARO

⁴ Nake Daudi nîwavoire Ngai-Mûnene rîngî na Ngai-Mûnene akîmwîra atîrî, “Ûkîra, ûthiî Keila ûkatharîkîre Afilisiti, nîûndû nîngûkûvotithia kûmavoota.”

1Sam 23:4 ပူးပေါင်းရင်းမြစ်များ

2Sam 2:1

Vuva wa maûndû mau, Daudi nîwaûririe Ngai-Mûnene atîrî, “Nîûkwenda nthiî ngatave îtûûra rîmwe rîa Juda?” Nake Ngai-Mûnene nîwamûcokerie atîrî, “Îî thiî.” Daudi nîwaûririe atîrî, “Nî nthiî îtûûrarî rîrîkû?” Nake Ngai-Mûnene nîwerire Daudi atîrî, “Thiî Heburoni.”

2Sam 5:19

Nake Daudi nîwaûririe Ngai-Mûnene atîrî, “Nîûkwenda ntharîkîre Afilisiti? Nîûkûmvotithia kûmavoota?” Nake Ngai-Mûnene nîwacokirie atîrî, “Îî, thiî ûmatharîkîre! Nîngûkûvotithia kûmavoota.”

2Atha 3:18

Gaka nî kaûndû kanini mûno Ngai-Mûnene agîka. Wana nîakaamûvotithia kûvoota Amoabu.

1Maû 14:10

Nake Daudi nîwaûririe Ngai atîrî, “Nthiî ngarûe na Afilisiti? Nîûkûndethia kûmavoota?” Nake Ngai-Mûnene nîwamwîrire atîrî, “Thiî nîngûmanenganîra kûrî mue.”

Josh 8:7

Namue nîmûkaauma kûrîa mûkethîrwa mwîthithîte, mûtharîkîre îtûûra na mûrînyite. Ngai-Mûnene, Ngai wenyu nîakaarîvecana kûrî mue.

Atir 6:39

Gideoni nîwacokire akîîra Ngai rîngî atîrî, “Ndûkandakarîre, tiga mbuge ûndû ûmwe tu rîngî. Nakûthaitha ûmbîtîkîrie ngerie guoya îno riita rîngî rîmwe. Vîndî îno, tiga guoya îno îthîrwe îrî nyûmû, nayo nthî îthîrwe îrî na îme.”

Atir 7:7

Ngai-Mûnene nîwerire Gideoni atîrî, “Nîngamûvotithia kûvoota Amidiani mûrî na andû magana mathatû acio maatavire manjî na mvî na makînyua. Îra andû acio engî onthe menûke.”

Atir 7:9

Ûtukû wa ûcio Ngai-Mûnene nîwerire Gideoni atîrî, “Ûkîra na ûnyûrûrûke ûkatharîkîre Amidiani, nîngûkûvotithia kûmavoota.

1Sam 10:22

Kwoguo nîmaaûririe Ngai-Mûnene atîrî, “Nî kûrî na mûndû wîngî ûtarî ava?” Nake Ngai-Mûnene nîwacokirie na akiuga atîrî, “Taroria, Saûlo ethithîte kûrîa mîrigo igagwa.”

1Sam 23:2

Kwoguo Daudi nîwaûririe Ngai-Mûnene atîrî, “Nthiî ngatharîkîre Afilisiti?” Nake Ngai-Mûnene nîwerire Daudi atîrî, “Îî thiî ûmatharîkîre na ûvonokie îtûûra rîa Keila.”

1Sam 23:3

Nwatî andû arîa maarî na Daudi nîmaamwîrire atîrî, “Ethîrwa nîtûgwîtigîra tûrî gûkû Juda, kinthî tûtigeetigîra makîria twathiî Keila kûrûa na athigari a Afilisiti?”

1Sam 23:5

Daudi marî na andû ake nîmaathiîre Keila na makîtharîkîra Afilisiti. Nîmaaûragire Afilisiti engî mûno na magîtava ng'ombe ciao. Ûguo nîguo Daudi aavonokirie îtûûra rîa Keila.

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.

1Sam 30:8

Nake Daudi nîwaûririe Ngai-Mûnene atîrî, “Nthiî nûmîrîre gîkundi gîkî? Nîngûgîkinyîra?” Nake Ngai-Mûnene nîwacokirie atîrî, “Îî kîrûmîrîre nîûgûgîkinyîrîra na ûvonokie andû arîa atave.”