1Sam 23:21 - ÎVUKU RÎA ÛVORO MWARO

²¹ Nake Saûlo nîwacokirie atîrî, “Ngai-Mûnene aromûrathima nîûndû wa ûrîa mûmbîguîrîrîte ntha!

1Sam 23:21 ပူးပေါင်းရင်းမြစ်များ

Kîam 20:13

Vîndî îrîa Ngai aatûmire nthame nyume kwa vava mûciî, nînerire Sara atîrî, ‘Kûndû kûrîa kuonthe tûkathiîcaga, ûkoonanagia atî nîûmbathîkagîra na kuga atî, we ûrî mwarwaiya.’ ”

2Sam 2:5

nîwatûmire anjama amwe mathiî kuo makeere andû a Jabeshi atîrî, “Ngai-Mûnene aromûrathima nîûndû wa gîtîîo kîrîa mwonirie mûthamaki wenyu Saûlo na njîra ya kûmathika.

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Atir 17:2

Mika nîwerire ng'ina atîrî, “Tûcunjî ngiri îmwe na îgana twa sîlûva twaku tûrîa twaîirwe na ûkîruma mwîi wa tuo, taroria, nînie nîrî na tuo. Nînie naatwocire.” Nake ng'ina nîwaugire atîrî, “Ngai-Mûnene arokûrathima mûvîcîwa!”

1Sam 15:13

Nake Samueli akinya kûrî Saûlo, Saûlo nîwamwîrire atîrî, “Ngai-Mûnene arokûrathima Samueli! Nie nîmvingîtie ûrîa Ngai-Mûnene athanîte.”

1Sam 22:8

Kîu nîkîo gîtûmîte mûvanga kûregana nanie? Gûtirî mûndû wanarî ûmwe wa cienyu ûmbîrîte atî mûvîcîwa nîmanyitanîrîte na Daudi. Gûtirî wanarî mûndû ûranûmbûyia kana ambîra atî Daudi, ûmwe wa ndungata ciakwa nîaracaria kamweke nîguo ambûrage na mûvîcîwa nîke ûramwîkîra vinya!”

1Sam 23:22

Thiîni na mwîkîre ûira wa rîngî, mûtuîrie waro kûrîa ethithîte na mûmenye nîûrîkû ûmwonete kuo. Nîmbîguîte atî ke nî mwara mûno.