1Sam 22:8 - ÎVUKU RÎA ÛVORO MWARO

⁸ Kîu nîkîo gîtûmîte mûvanga kûregana nanie? Gûtirî mûndû wanarî ûmwe wa cienyu ûmbîrîte atî mûvîcîwa nîmanyitanîrîte na Daudi. Gûtirî wanarî mûndû ûranûmbûyia kana ambîra atî Daudi, ûmwe wa ndungata ciakwa nîaracaria kamweke nîguo ambûrage na mûvîcîwa nîke ûramwîkîra vinya!”

1Sam 22:8 ပူးပေါင်းရင်းမြစ်များ

2Atha 6:11

Mûthamaki wa Sîria nîwathînîkire ngoro mûno nîûndû wa ûndû ûcio. Kwoguo nîwetire ndungata ciake na agîciûria atîrî, “Nû gatagatîrî kenyu wî mwena wa mûthamaki wa Isiraeli?”

Ayubu 33:16

Nîatûmaga mathikîrîrie ûrîa arauga, na amakaania, nîmagîcaga na guoya.

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 18:3

Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.

1Sam 20:2

Nake Jonathani nîwamûcokerie atîrî, “Ûguo ûroaga gwîkîka! We tîûkua. Gûtirî ûndû wanarî ûmwe vava angîka atambîrîte, ûrî mûnene kana ûrî mûnini. Na ndangînthitha ûndû ûcio. Ûcio tî ûvoro wa ma!”

1Sam 20:42

Jonathani nîwacokire akîra Daudi atîrî, “Thiî na waro Ngai-Mûnene arotûtethia nie nawe, na njiarwa cietû tûtûûre tûmenyererete kîîranîro kîrîa tûrîkanîrîte nawe.” Nake Daudi nîwacokire akîthiî nake Jonathani agîcoka îtûûrarî.

1Sam 20:8

Kwoguo nînîrakûthaitha ûvingie kîrîkanîro kîtheru kîrîa twarîkanîre nawe. Nwatî ethîrwa nîmûvîtiu, mbûraga arî we! Nîûmvira kûrî aguo nîguo ambûrage nîkî?”

1Sam 22:13

Saûlo nîwamûririe atîrî, “We mûrî na Daudi mûnjirîrîte nîkî? Nîndûî gîatûmire ûmûva irio na ûmûnengera rûviû na ûvoe Ngai vandûrî vake? Rîu nîareganîte nanie na etererete one kamweke nîguo ambûrage!”

1Sam 23:21

Nake Saûlo nîwacokirie atîrî, “Ngai-Mûnene aromûrathima nîûndû wa ûrîa mûmbîguîrîrîte ntha!