1Sam 22:7 - ÎVUKU RÎA ÛVORO MWARO

⁷ Saûlo nîwerire ndungata ciake atîrî, “Nthikîrîriani mue andû a Benjamini! Mûreciria atî Daudi nîakaamûva muonthe mîgûnda ya irio na ya mîthavibu na amûtue anene a athigari ake?

1Sam 22:7 ပူးပေါင်းရင်းမြစ်များ

2Sam 18:1

Mûthamaki Daudi nîwacokanîrîrie andû ake onthe vamwe. Nîwacokire akîmavanga marî ikundi cia andû ngiri na ciîngî cia andû îgana na akîthuurîra wa gîkundi mûnene wakîo.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

1Maû 12:16

Vîndî îmwe arûme kuuma mûvîrîgarî wa Benjamini na wa Juda nîmaathiîre kûrî Daudi arî varîa vagitîre mûno.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

1Sam 18:14

na nîwavootanaga maûndûrî marîa monthe eekaga, nîûndû Ngai-Mûnene aarî vamwe nake.

1Sam 20:27

Mûthenya wa kaîrî vuva wa kîrugo Kîam karûngamo ka mweri, varîa Daudi eekaraga vatiarî na mûndû. Saûlo nîwaûririe mûvîcî Jonathani atîrî, “Daudi mûvîcî wa Jesii araregire gûka kîrugorî îgoro wana ûmûnthî nîkî?”

1Sam 20:30

Nake Saûlo nîwarakarîre Jonathani na akîmwîra atîrî, “We ûrî mwana wa mûndûmûka mûremi! Nîmenyete atî nîmûnyitanîte na Daudi nîguo agûconorithie na aconorithie nyûkwe!

1Sam 22:13

Saûlo nîwamûririe atîrî, “We mûrî na Daudi mûnjirîrîte nîkî? Nîndûî gîatûmire ûmûva irio na ûmûnengera rûviû na ûvoe Ngai vandûrî vake? Rîu nîareganîte nanie na etererete one kamweke nîguo ambûrage!”

1Sam 22:9

Nake Doegu ûrîa warûngamîte vamwe na ndungata cia Saûlo nîwaugire atîrî, “Nînoonire Daudi mûvîcî wa Jesii athiîte Nobu kûrî Ahimeleku mûvîcî wa Ahitubu.

1Sam 25:10

Nake Nabali nîwacokerie anake acio a Daudi atîrî, “Daudi nî ûrîkû? Mûvîcî wa Jesii nî ûrîkû? Kûrî na ngombo nyîngî mûno vûrûrirî iratoroka ikauma kûrî anene a cio!